ചിദംബരത്തിന്റെ നിർദേശ പ്രകാരം കാർത്തിയ്ക്ക് ഏഴുലക്ഷം ഡോളർ നൽകിയെന്ന് മുഖർജി ദമ്പതികൾ ; ചിദംബരവും കുടുങ്ങിയേക്കും

ന്യൂഡൽഹി:  ഐഎൻഎക്സ് മീഡിയ അഴിമതിക്കേസിൽ മുൻ കേന്ദ്രമന്ത്രി പി ചിദംബരത്തിനെതിയെയും മൊഴി. ഐഎൻഎക്സ് മീഡിയ ലിമിറ്റഡിന്റെ ഡയറക്ടർമാരായ പീറ്റർ മുഖർജി, ഇന്ദ്രാണി മുഖർജി എന്നിവരാണ് ചിദംബരത്തിനെതിരെ മൊഴി നൽകിയിട്ടുള്ളത്. സെക്ഷൻ 164 പ്രകാരം മജിസ്ട്രേട്ട് മുമ്പാകെ ഇന്ദ്രാണി മുഖർജി നൽകിയത്. പി​താ​വ്​ പി. ​ചി​ദം​ബ​ര​ത്തിന്റെ നി​ർ​ദേ​ശ​പ്ര​കാ​രം ഏ​ഴു​ല​ക്ഷം ഡോ​ള​ർ കാ​ർ​ത്തി​ക്ക്​ കൊ​ടു​ത്തി​ട്ടു​ണ്ടെന്നാണ് മൊഴി നൽകിയത്. ടെ​ലി​വി​ഷ​ൻ ക​മ്പ​നി​യി​ലേ​ക്ക്​ വി​ദേ​ശ നി​ക്ഷേ​പം സ്വീ​ക​രി​ക്കു​ന്ന​തി​ന്​ വി​ദേ​ശ​നി​ക്ഷേ​പ പ്രോ​ത്സാ​ഹ​ന ബോ​ർ​ഡിന്റെ അം​ഗീ​കാ​രം കി​ട്ടി​യ​തിന് പ്ര​തി​ഫ​ല​മാ​യി​രു​ന്നു ആ ​പ​ണം.

കാ​ർ​ത്തി കു​റെക്കാലം നി​യ​ന്ത്രി​ച്ചി​രു​ന്ന അ​ഡ്വാന്റേ​ജ്​ സ്​​ട്രാ​റ്റ​ജി​ക്​ ക​ൺ​സ​ൾ​ട്ട​ൻ​സി പ്രൈ​വ​റ്റ്​ ലി​മി​റ്റ​ഡ്, മറ്റൊ​രു ബി​നാ​മി സ്​​ഥാ​പ​ന​മാ​യ നോ​ർ​ത്ത്​​ സ്​​റ്റാ​ർ സോ​ഫ്​​റ്റ്​​വെ​യ​ർ സൊ​ല്യൂ​ഷ​ൻ​സ്​ പ്രൈ​വ​റ്റ്​ ലി​മി​റ്റ​ഡ്​ എ​ന്നി​വ വ​ഴി​യാ​ണ്​ പ​ണം കൈമാറിയത്. ഐഎൻഎക്സ് മീഡിയക്ക് വി​ദേ​ശ നി​ക്ഷേ​പം സ്വീ​ക​രി​ക്കു​ന്ന​തി​ന്​ 2007ൽ ​ആ​ദാ​യ​നി​കു​തി വ​കു​പ്പ്​ ചി​ല ത​ട​സ്സ​വാ​ദ​ങ്ങ​ൾ ഉന്നയിച്ചിരുന്നു. തുടർന്നാണ് വിദേശനിക്ഷേപ പ്രോത്സാഹന ബോർഡിന്റെ അനുമതി തേടി  ധ​ന​മ​ന്ത്രി ചി​ദം​ബ​ര​ത്തെ നോ​ർ​ത്ത്​ ബ്ലോ​ക്ക്​ ഒാ​ഫി​സി​ലെ​ത്തി ക​ണ്ടത്. പ്രത്യുപകാരമായി മകൻ കാർത്തിയുടെ ബി​സി​ന​സി​ൽ ചി​ല സ​ഹാ​യ​ങ്ങ​ളൊ​ക്കെ വേ​ണ​മെ​ന്ന്​ ചി​ദം​ബ​രം ആ​വ​ശ്യ​പ്പെ​ട്ടുവെന്ന് മുഖർജി ദമ്പതികൾ വ്യക്തമാക്കി. 
 
തു​ട​ർ​ന്ന്​ ഡ​ൽ​ഹി​യി​ലെ ഒ​രു പ​ഞ്ച​ന​ക്ഷ​ത്ര ഹോ​ട്ട​ലി​ൽ​വെ​ച്ച്​ കാ​ർ​ത്തി​യെ ക​ണ്ടു. 10 ല​ക്ഷം ഡോ​ള​റാ​ണ് കാ​ർ​ത്തി ചോ​ദി​ച്ച​ത്​. തു​ട​ർ​ന്ന്​ കാ​ർ​ത്തി​യു​ടെ നി​യ​ന്ത്ര​ണ​ത്തി​ലു​ള്ള അ​ഡ്വാന്റേ​ജ്​ സ്​​ട്രാ​റ്റ​ജി​ക്​ ക​മ്പ​നി​യി​ലേ​ക്ക്​ 9.96 ല​ഷം രൂ​പ ഐഎൻ​എ​ക്​​സ്​ മീ​ഡി​യ ന​ൽ​കി. 2008 ജൂ​ലൈ 15ന്​ ​ചെ​ക്ക്​ മു​ഖാ​ന്ത​ര​മാ​യി​രു​ന്നു ഇ​ത്. മാ​നേ​ജ്​​മ​ന്റ് ക​ൺ​സ​ൾ​ട്ട​ൻ​സി​ക്ക്​ വേ​ണ്ടി​യെ​ന്നാ​ണ്​ ഇ​ൻ​വോ​യ്​​സി​ൽ കാ​ണി​ച്ചി​രി​ക്കു​ന്ന​തെന്നും ഇരുവരും മൊഴി നൽകിയിരുന്നു. 

ടെ​ലി​വി​ഷ​ൻ ക​മ്പ​നി​യാ​യ ഐഎൻഎ​ക്​​സ്​ മീ​ഡി​യ കാ​ർ​ത്തി​യു​മാ​യി ബ​ന്ധ​പ്പെ​ട്ട സ്​​ഥാ​പ​ന​ങ്ങ​ൾ​ക്ക്​ പ​ണം കൈ​മാ​റി​യ​തി​​ന്റെ നാ​ല്​ ഇ​ൻ​വോ​യ്​​സു​ക​ൾ തെ​ളി​വാ​യി ക​ണ്ടെ​ടു​ത്തി​ട്ടു​ണ്ടെ​ന്ന്​ സിബിഐ കോ​ട​തി​യി​ൽ ബോ​ധി​പ്പി​ച്ചു. അ​ടു​ത്തി​ടെ ന​ട​ന്ന റെ​യ്​​ഡി​ലാ​ണ്​ അ​വ ക​ണ്ടെ​ടു​ത്ത​ത്. മൊ​ത്തം ഏ​ഴു ല​ക്ഷം ഡോ​ള​റിന്റേതാണ് ഇവയെന്നും സിബിഐ അറിയിച്ചു. അഴിമതിപ്പണം സ്വീകരിച്ച ബാങ്ക് അക്കൗണ്ടുകൾ ക്ലോസ്ചെയ്യാനാണ് അടിക്കടി വിദേശയാത്ര നടത്തിയതെന്നും കാർത്തിക്ക് ബന്ധമുള്ള കമ്പനികൾക്ക് പണം ലഭിച്ചതിന് തെളിവായി ഇൻവോയ്സുകളും ഇരുനൂറോളം ഇ‐മെയിലുകളും പിടിച്ചെടുത്തിട്ടുണ്ടെന്നും സിബിഐ കോടതിയെ ധരിപ്പിച്ചു. 

മ​ക​ൾ ഷീ​ന ബോ​റ​യെ കൊ​ല​പ്പെ​ടു​ത്തി​യ കേ​സി​ൽ പീ​റ്റ​ർ-​ഇ​ന്ദ്രാ​ണി ദ​മ്പ​തി​ക​ൾ ഇ​പ്പോ​ൾ ജ​യി​ലി​ലാ​ണ്. എ​ന്നാ​ൽ, ജ​യി​ൽ​ശി​ക്ഷ അ​നു​ഭ​വി​ക്കു​ന്ന​വ​രു​ടെ ​മൊ​ഴി അ​ടി​സ്​​ഥാ​ന​പ്പെ​ടു​ത്തു​ന്ന​തി​നെ കാർത്തിയുടെ അഭിഭാഷകർ കോടതിയിൽ ചോ​ദ്യം​ ചെ​യ്​​തിരുന്നു. ഐഎൻഎക്സ് അഴിമതി കേസുകൾ സിബിഐക്ക് പുറമെ, എൻഫോഴ്സ്മെന്റും അന്വേഷിച്ചുവരികയാണ്. കേസിൽ അറസ്റ്റിലായ കാർത്തി ചിദംബരത്തെ അ‍്ചു ദിവസം ചോദ്യം ചെയ്യലിനായി സിബിഐ കസ്റ്റഡിയിൽ വിട്ടുകൊടുത്തിട്ടുണ്ട്.