ച​ന്ദ്ര​യാ​ൻ-2; പ്ര​ധാ​ന​മ​ന്ത്രി രാ​വി​ലെ എട്ട് മണിക്ക് രാ​ജ്യ​ത്തെ അ​ഭി​സം​ബോ​ധ​ന ചെ​യ്യും 

​ന്യൂഡ​ൽ​ഹി: പ്ര​ധാ​ന​മ​ന്ത്രി ന​രേ​ന്ദ്ര​മോ​ദി ഇന്ന് രാ​വി​ലെ എട്ട് മണിക്ക് രാ​ജ്യ​ത്തെ അ​ഭി​സം​ബോ​ധ​ന ചെ​യ്യും. ച​ന്ദ്ര​യാ​ൻ-2 ദൗ​ത്യ​വു​മാ​യി ബ​ന്ധ​പ്പെ​ട്ട വി​ഷ​യത്തെക്കുറിച്ച് സംസാരിക്കാനാണ് അദ്ദേഹം എത്തുന്നത്. ബം​ഗ​ളൂ​രു​വി​ലെ ഐ​എ​സ്ആ​ർ​ഒ കേ​ന്ദ്ര​ത്തി​ൽ​നി​ന്നാ​യി​രി​ക്കും അ​ദ്ദേ​ഹം രാ​ജ്യ​ത്തെ അ​ഭി​സം​ബോ​ധ​ന ചെ​യ്യു​ക​.

അ​വ​സാ​ന ഘ​ട്ടം വ​രെ​യെ​ത്തി​യ ചന്ദ്രയാൻ 2വിന്റെ സോ​ഫ്റ്റ് ‌ലാ​ൻ​ഡിം​ഗ് വിജയകരമായിരുന്നില്ല.  റഫ് ബ്രേക്കിങ് വിജയകരമായി പൂർത്തിയാക്കിയശേഷം ഫൈ​ന്‍ ലാ​ന്‍​ഡി​ങ്ങി​നി​ടെ സാ​ങ്കേ​തി​ക പ്ര​ശ്‌​ന​ങ്ങ​ള്‍ അ​ഭി​മു​ഖീ​ക​രിക്കുകയായിരുന്നു. ച​ന്ദ്ര​നി​ൽ നി​ന്ന് 2.1 കി.​മീ മാ​ത്രം അ​ക​ലെ​വ​ച്ച് വി​ക്രം ലാ​ൻ​ഡ​റി​ൽ നി​ന്നു​ള്ള സി​ഗ്ന​ൽ ന​ഷ്ട​മാ​യെ​ന്നും വി​വ​ര​ങ്ങ​ൾ പ​രി​ശോ​ധി​ച്ച് വ​രി​ക​യാ​ണെന്നുമാണ് ഒടുവില്‍ ഇസ്രോ അധികൃതർ അറിയിച്ചത്. 

ചാന്ദ്രദൗത്യം വീക്ഷിക്കാൻ പ്രധാനന്ത്രി ഇന്നലെ ഐ​എ​സ്ആ​ർ​ഒ കേ​ന്ദ്ര​ത്തി​ൽ എത്തിയിരുന്നു. വിക്രം ലാന്‍ഡറുമായുള്ള ആശയവിനിമയം നഷ്ടമായതിന് പിന്നാലെ ഐഎസ്ആര്‍ഒ ശാസ്ത്രജ്ഞരെ ആശ്വസിപ്പിച്ച ശേഷമാണ് പ്രധാനമന്ത്രി ഇവിടെനിന്ന് മടങ്ങിയത്. രാജ്യം നിങ്ങളെ ഓര്‍ത്ത് അഭിമാനിക്കുന്നു. ഇതുവരെ കൈവരിച്ചത് ചെറിയ നേട്ടമല്ലെന്നും ഇതിനുശേഷമുണ്ടായ കാര്യങ്ങളെക്കുറിച്ച് ആലോചിക്കണ്ട എന്നും മോദി അവരോട് പറഞ്ഞു.