ജഗന് അഞ്ച് ഉപമുഖ്യമന്ത്രിമാര്‍; പുതിയ ചരിത്രം; സത്യപ്രതിജ്ഞ നാളെ

അമരാവതി:  അഞ്ച് ഉപമുഖ്യമന്ത്രിമാരെ നിയോഗിച്ച് ആന്ധ്ര പ്രദേശ് മുഖ്യമന്ത്രി വൈഎസ് ജഗമോഹന്‍ റെഡ്ഡി. പട്ടിക ജാതി, പട്ടിക വര്‍ഗം, പിന്നോക്ക വിഭാഗം, ന്യൂനപക്ഷം, കാപു വിഭാഗം എന്നിവരില്‍പ്പെട്ടവരെയാണ് ഉപമുഖ്യമന്ത്രിമാരായി നിയമിച്ചത്. ഇന്ന് ചേര്‍ന്ന നിയമസഭാ കക്ഷി യാഗത്തിലാണ് സുപ്രധാന തീരുമാനം കൈകൊണ്ടത്. 

രാജ്യത്ത് ആദ്യമായിട്ടാണ് ഒരു ക്യാബിനറ്റില്‍ അഞ്ച് ഉപമുഖ്യമന്ത്രിമാരെ മുഖ്യമന്ത്രി നിയമിക്കുന്നത്. നേരത്തെ ചന്ദ്രബാബു നായിഡു മുഖ്യമന്ത്രിയായിരുന്ന കാലത്ത് രണ്ട് ഉപമുഖ്യമന്ത്രിമാരെ നിയമിച്ചിരുന്നു. പിന്നോക്കവിഭാഗത്തിലും കാപ്പ സമുദായത്തില്‍പ്പെട്ടവരുമായിരുന്നു ഉപമുഖ്യമന്ത്രിമാരായത്.

ജനങ്ങളുടെ ആഗ്രഹത്തിനൊത്ത് പ്രവര്‍ത്തിക്കാന്‍ മന്ത്രിമാര്‍ക്ക് കഴിയണമെന്നും നിയമസഭാ കക്ഷി യോഗത്തില്‍ ജഗമോഹന്‍ പറഞ്ഞു. ശനിയാഴ്ച 25 മന്ത്രിമാര്‍ സത്യപ്രതിജ്ഞ ചെയ്ത് അധികാരമേല്‍ക്കും