ജനങ്ങളുമായി സംവദിക്കാന്‍ കമല്‍ഹാസന്‍ മൊബൈല്‍ ആപ്പ് പുറത്തിറക്കി

ചെന്നൈ:  ജനങ്ങളുമായി സംവദിക്കാന്‍ കമല്‍ഹാസന്‍ മൊബൈല്‍ ആപ്പ് പുറത്തിറക്കി. നല്ലകാര്യങ്ങള്‍ ശരിയായി ചെയ്യുന്നതിന് മുന്നോടിയാണ് ഇത്തരമൊരു ആപ്പ് പുറത്തിറക്കുന്നതെന്ന് അദ്ദേഹം പറഞ്ഞു. ജന്‍മാദിനമായ ഇന്ന് രാഷ്ട്രീയ പാര്‍ട്ടിയുടെ പ്രഖ്യാപനമുണ്ടാകുമെന്നു അദ്ദേഹം നേരത്തെ പറഞ്ഞിരുന്നു. എന്നാല്‍ രാഷ്ട്രീയ പാര്‍ട്ടിയുടെ പ്രഖ്യാപനം മാറ്റിവെച്ച കമല്‍, ആഘോഷങ്ങള്‍ മാറ്റിവെച്ച് ചെന്നൈയിലെ പ്രളയ ബാധിത പ്രദേശങ്ങള്‍ സന്ദര്‍ശിക്കാന്‍ തീരുമാനിക്കുകയായിരുന്നു. 

മയ്യം വിസില്‍ എന്നാണ് മൊബൈല്‍ ആപ്ലിക്കേഷന് കമല്‍ഹാസന്‍ പേര് നല്‍കിയിരിക്കുന്നത്. തമിഴ്‌നാടിനെ നന്മയുടെ ദേശമാക്കി മാറ്റുമെന്നും അദ്ദേഹം പറഞ്ഞു.