ന്യൂഡൽഹി: മുന്‍ പ്രധാനമന്ത്രി അടല്‍ ബിഹാരി വാജ്പേയിയുടെ ചിത്രവുമായി നൂറ് രൂപയുടെ നാണയം പുറത്തിക്കി. പ്രധാനമന്ത്രി നരേന്ദ്ര മോദിയാണ് നാണയം പുറത്തിറക്കിയത്. വാജ്പെയിയുടെ ജന്മദിനത്തിന് ഒരു ദിവസം മുൻപാണ് നാണയം പുറത്തിറക്കിയിരിക്കുന്നത്.
മുപ്പത്തഞ്ച് ഗ്രാം ഭാരമുളള നാണയത്തിന്‍റെ ഒരു വശത്ത് വാജ്പേയിയുടെ ചിത്രവും മറുവശത്ത് അശോകസ്തംഭത്തിലെ സിംഹ മുദ്രയുമാണുള്ളത്. ചിത്രത്തിന് താഴെ അദ്ദേഹത്തിന്‍റെ ജനന, മരണ വര്‍ഷങ്ങളും രേഖപ്പെടുത്തിയിട്ടുണ്ട്.
വാജ്പെയ് അന്തരിച്ചെന്ന വാർത്ത തനിക്കിപ്പോഴും വിശ്വസിക്കാനായിട്ടില്ലെന്നും അദ്ദേഹം ഒപ്പമില്ലെന്ന സത്യം ഉൾകൊള്ളാൈൻ കഴിയുന്നില്ലെന്നും നാണയം പുറത്ത‌ുവിട്ടുകൊണ്ട് മോദി പറഞ്ഞു. ബിജെ പി ദേശീയ അധ്യക്ഷൻ അമിത് ഷാ അടക്കമുള്ള നേതാക്കൾ പങ്കെടുത്ത ചടങ്ങിലാണ് നാണയം പുറത്തുവിട്ടത്. എൽ കെ അദ്വാനി, അരുൺ ജയിറ്റ്ലി തുടങ്ങിയവർ ചടങ്ങിനെത്തിയിരുന്നു.
വാജ്‍പേയിയോടുള്ള ബഹുമാന സൂചകമായി നേരത്തെ നാല് ഹിമാലയന്‍ കൊടുമുടികള്‍ക്ക് അദ്ദേഹത്തിന്‍റെ പേര് നല്‍കിയിരുന്നു. ഛത്തീസ്ഗഢിലെ നയാ റായ്പുരിയെ 'അടല്‍ നഗര്‍' എന്ന് പുനര്‍ നാമകരണം ചെയ്തിരുന്നു. 2018 ഓഗസ്റ്റ് 16 നാണ് വാജ്‍പേയി അന്തരിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
