ലഖ്‌നൗ: ജയ്ശ്രീറാം വിളിക്കാന്‍ വിസമ്മതിച്ചതിന് സംഘപരിവാറുകാര്‍ തീ കൊളുത്തിയ മുസ്ലീം ബാലന്‍ മരിച്ചു. ഉത്തര്‍പ്രദേശിലെ ചന്ദൗലിയില്‍ രണ്ടുദിവസം മുന്‍പാണ് സയ്യാദ് രാജ സ്വദേശിയായ മുഹമ്മദ് ഖാലിദിനെ തീ കൊളുത്തിയത്. 60 ശതമാനത്തിലേറെ പൊളളലേറ്റ് വാരാണസിയിലെ ആശുപത്രിയില്‍ ചികിത്സയിലിരിക്കെ ചൊവ്വാഴ്ചയാണ് മരിച്ചത്.
ബൈക്കിലെത്തിയ നാലുപേര്‍ ഞായറാഴ്ചയാണ് ഖാലിദിനെ തട്ടിക്കൊണ്ടുപോയത്. ജയ്ശ്രീറാം വിളിക്കാന്‍ വിസമ്മതിച്ചപ്പോള്‍ സംഘം അതിക്രൂരമായി മര്‍ദിച്ചു. തുടര്‍ന്ന് മണ്ണെണ്ണയൊഴിച്ച് തീ കൊളുത്തകുകയായിരുന്നു. എന്നാല്‍ ഖാലിദ് മുന്നുതവണ വിരുദ്ധമായാണ് മൊഴിനല്‍കിയതെന്നും സ്വയം തീ കൊളുത്തിയതാണെന്നുമാണ് പൊലീസ് പറയുന്നത്. സിസി ടിവി ദൃശ്യങ്ങള്‍ പരിശോധിച്ച് കൂടുതല്‍ അന്വേഷണം നടത്തുമെന്ന് പൊലീസ് അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
