ന്യൂഡല്‍ഹി: ലോക്‌സഭയില്‍ മതപരമായ മുദ്രാവാക്യങ്ങള്‍ മുഴക്കാന്‍ അനുവദിക്കില്ലെന്ന് സ്പീക്കര്‍ ഓം ബിര്‍ള. യുപിഎ ചെയര്‍പേഴ്‌സണ്‍ സോണിയ ഗാന്ധിയുടെയും എഐഎംഐഎം എംപി അസദുദ്ദീന്‍ ഒവൈസിയുടെയും തൃണമൂല്‍ കോണ്‍ഗ്രസ് എംപിമാരുടെയും സത്യപ്രതിജ്ഞയ്ക്കിടെ ഭരണകക്ഷി എംപിമാര്‍ ജയ് ശ്രീ റാം വിളിച്ചത് സYാ രേഖകളില്‍ നിന്ന് ഒഴിവാക്കിയ പ്രോ ടേം സ്പീക്കര്‍ വീരേന്ദ്ര കുമാറിന്റെ നടപടി ശരിയാണെന്നും അദ്ദേഹം വ്യക്തമാക്കി.
മുദ്രാവാക്യങ്ങള്‍ക്കും പ്ലക്കാര്‍ഡുകള്‍ക്കുമുള്ള ഇടമാണ് പാര്‍ലമെന്റ് എന്ന് താന്‍ വിശ്വസിക്കുന്നില്ലെന്ന് പറഞ്ഞ സ്പീക്കര്‍, അംഗങ്ങള്‍ക്ക് ആരോപണങ്ങള്‍ ഉന്നയിക്കാമെന്നും സര്‍ക്കാരിനെ വിമര്‍ശിക്കാമെന്നും എന്നാല്‍ ഇത്തരം കാര്യങ്ങള്‍ ചെയ്യുന്നത് അനുവദിക്കില്ലെന്നും വ്യക്തമാക്കി.
ഇത്തരത്തിലുള്ള നടപടികള്‍ ആവര്‍ത്തിക്കുമോ എന്ന് തനിക്ക് അറിയില്ലെന്നും നിയമങ്ങള്‍ക്കനുസരിച്ച് സഭയെ മുന്നോട്ടുകൊണ്ടുപോകാന്‍ ശ്രമിക്കുമെന്നും അദ്ദേഹം കൂട്ടിച്ചേര്‍ത്തു.
യുപിഎ അധ്യക്ഷ സോണിയ ഗാന്ധിയുടെയും ഒവൈസിയുടെയും സത്യപ്രതിജ്ഞ വേളയില്‍ ഭരണകക്ഷി അംഗങ്ങള്‍ ഭാരത് മാതാ കീ ജയ്, ജയ് ശ്രീം റാം മുദ്രാവാക്യങ്ങള്‍ മുഴക്കിയിരുന്നു. ഇതിന് മറുപടിയായി ഒവൈസി ജയ് ഭീം അല്ലാഹു അക്ബര്‍ എന്ന് മുദ്രാവാക്യം മുഴക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
