ന്യൂഡല്‍ഹി: ഡല്‍ഹി പട്പട്ഗഞ്ച് മാക്‌സ് ആശുപത്രിയില്‍ 33 ആരോഗ്യപ്രവര്‍ത്തകര്‍ക്ക് കോവിഡ് 19 സ്ഥിരീകരിച്ചു. ഇതില്‍ 13 പേര്‍ മലയാളി നഴ്‌സുമാരാണ്.
ഡല്‍ഹിയിലെ സ്വകാര്യ ആശുപത്രികളിലൊന്നാണ് പട്പട്ഗഞ്ചിലെ മാക്‌സ് ആശുപത്രിച കഴിഞ്ഞയാഴ്ച ഇവിടുത്തെ ചില ആരോഗ്യപ്രവര്‍ത്തകര്‍ക്ക് വൈറസ് ബാധ സ്ഥിരീകരിച്ചിരുന്നു. തുടര്‍ന്ന് നിരവധി പേര്‍ ക്വാറന്റൈനിലായിരുന്നു. ഇവരുടെ പരിശോധനാഫലങ്ങളാണ് ഇന്ന് പുറത്തുവന്നത്. 33 പേര്‍ക്കാണ് രോഗം സ്ഥിരീകരിച്ചത്. ഇതില്‍ 13 പേര്‍ മലയാളികളാണ്.
നേരത്തെ ഈ ആശുപത്രിയിലെ ആറ് മലയാളി നഴ്‌സുമാര്‍ക്ക് രോഗം സ്ഥിരീകരിച്ചിരുന്നു. 33 പേരെയും കോവിഡ് ആശുപത്രിയിലേക്ക് മാറ്റിയിട്ടുണ്ട്. ഇന്ന് മാത്രം 88 ആരോഗ്യപ്രവര്‍ത്തകര്‍ക്ക് കോവിഡ് സ്ഥിരീകരിച്ചതായാണ് റിപ്പോര്‍ട്ടുകള്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
