ന്യൂഡല്‍ഹി: ഡല്‍ഹിയിലെ യുഎസ് എംബസി വളപ്പില്‍ അഞ്ചുവയസ്സുകാരി പീഡനത്തിനിരയായി. കഴിഞ്ഞ ശനിയാഴ്ച രാവിലെയായിരുന്നു സംഭവം. കേസുമായി ബന്ധപ്പെട്ട് ഒരാളെ പൊലീസ് അറസ്റ്റുചെയ്തു. യുഎസ് എംബസിയിലെ ഡ്രൈവറാണ് അറസ്റ്റിലായതെന്നാണ് റിപ്പോര്‍ട്ടുകള്‍.
പോക്‌സോ വകുപ്പുകള്‍ ഉള്‍പ്പടെയാണ് ഇയാള്‍ക്കെതിരേ കേസ് രജിസ്റ്റര്‍ ചെയ്തതെന്ന് ഡല്‍ഹി പൊലീസ് പറഞ്ഞു.
എംബസി വളപ്പില്‍ത്തന്നെ താമസിക്കുന്ന ജീവനക്കാരിലൊരാളുടെ മകളാണ് പീഡനത്തിനിരയായത്. സംഭവം അറിഞ്ഞതോടെ കുട്ടിയുടെ കുടുംബം ഡല്‍ഹി ചാണക്യപുരി പോലീസില്‍ പരാതി നല്‍കുകയായിരുന്നു. അറസ്റ്റിലായ ഡ്രൈവറും എംബസി വളപ്പില്‍തന്നെയാണ് താമസം.
അറസ്റ്റ് ചെയ്ത പ്രതിയെ നിലവില്‍ ജുഡീഷ്യല്‍ കസ്റ്റഡിയില്‍ വിട്ടിരിക്കുകയാണ്. കേസില്‍ വിശദമായ അന്വേഷണം നടക്കുകയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
