ഡി കെ ശിവകുമാറിന് കോവിഡ് ഭേദമാകണം; 1001 തേങ്ങയുടച്ച് കോണ്‍ഗ്രസ് പ്രവര്‍ത്തകരുടെ പ്രാര്‍ത്ഥന (വീഡിയോ)

ബെംഗളൂരു: കോവിഡ് 19 സ്ഥിരീകരിച്ച കര്‍ണാടക കോണ്‍ഗ്രസ് അധ്യക്ഷന്‍ ഡി കെ ശിവകുമാറിന് വേണ്ടി 1001 തേങ്ങ ഉടച്ച് പാര്‍ട്ടി പ്രവര്‍ത്തകരുടെ പ്രാര്‍ത്ഥന. ബെംഗളൂരു വെങ്കടേശ്വ ക്ഷേത്രത്തിന് മുന്നിലായിരുന്നു പാര്‍ട്ടി പ്രവര്‍ത്തകരുടെ പ്രാര്‍ത്ഥന. 

ചൊവ്വാഴ്ചയാണ് ഡി കെ ശിവകുമാറിന് കോവിഡ് 19 സ്ഥിരീകരിച്ചത്. അദ്ദേഹത്തെ ബെംഗളൂരുവിലെ ആശുപത്രിയില്‍ പ്രവേശിപ്പിച്ചിരിക്കുകയാണ്.  പ്രളയ ദുരിതാശ്വാസ പ്രവര്‍ത്തനങ്ങളും സംഘടനയെ ശക്തിപ്പെടുത്താനുള്ള നീക്കങ്ങളുമായും ബന്ധപ്പെട്ട് സംസ്ഥാനം മുഴുവന്‍ യാത്രയിലായിരുന്നു അദ്ദേഹം.