മുംബൈ: ആരോഗ്യനില വഷളായതിനെത്തുടര്‍ന്ന് അണ്ണാ ഹസാരെയെ ആശുപത്രിയില്‍ പ്രവേശിപ്പിച്ചു. തലച്ചോറിലേക്കുള്ള രക്തയോട്ടം കുറഞ്ഞതിനെത്തുടര്‍ന്ന് അവശനിലയിലാണ് അദ്ദേഹമെന്ന് ഡോക്ടര്‍മാര്‍ അറിയിച്ചു.
കഴിഞ്ഞ രണ്ട് ദിവസമായി ന്യൂറോളജി പ്രശ്‌നങ്ങള്‍ അദ്ദേഹത്തെ അലട്ടിയിരുന്നു. ഇന്ന് രാവിലെയാണ് അദ്ദേഹത്തെ ആശുപത്രിയില്‍ പ്രവേശിപ്പിച്ചത്. എംആര്‍എ സ്‌കാനിങ് അടക്കമുള്ള പരിശോധനകള്‍ നടത്തിയിരുന്നു.
കേന്ദ്രത്തില്‍ ലോക്പാലിന്റേയും, സംസ്ഥാനങ്ങളില്‍ ലോകായുക്തയുടേയും നിയമനം തേടിയും, രാജ്യത്തെ കര്‍ഷകരുടെ പ്രശ്‌നങ്ങള്‍ പരിഹരിക്കാന്‍ അടിയന്തര നടപടി ആവശ്യപ്പെട്ടും അണ്ണാഹസാരെ ജനുവരി 30 മുതല്‍ ഈ മാസം അഞ്ചാം തിയതി വരെ നിരാഹാര സമരം നടത്തിയിരുന്നു. മഹാരാഷ്ട്ര മുഖ്യമന്ത്രി ദേവേന്ദ്ര ഭട്‌നാവിസിന്റെ നേതൃത്വത്തില്‍ നടന്ന ചര്‍ച്ചയ്ക്ക് പിന്നാലെയാണ് അദ്ദേഹം സമരം അവസാനിപ്പിച്ചത്. സമരകാലഘട്ടത്തില്‍ അദ്ദേഹത്തിന് അഞ്ച് കിലോയോളം ഭാരം കുറഞ്ഞിരുന്നെന്ന് വൈദ്യപരിശോധനയില്‍ കണ്ടെത്തിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
