തൃണമൂല്‍ കോണ്‍ഗ്രസിന്റെ മഹാറാലിയിലേക്ക് പിണറായി വിജയനും ക്ഷണം ; രാഹുലും സോണിയയും വിട്ടുനില്‍ക്കും

കൊൽക്കൊത്ത : ലോക്സഭ തെരഞ്ഞെടുപ്പിന് മുന്നോടിയായി ബിജെപിക്കെതിരെ പ്രതിപക്ഷ ഐക്യം പ്രാവർത്തികമാക്കുക ലക്ഷ്യമിട്ട് തൃണമൂൽ കോൺ​ഗ്രസ് സംഘടിപ്പിക്കുന്ന മഹാറാലിയിലേക്ക് മുഖ്യമന്ത്രി പിണറായി വിജയനും ക്ഷണം. ബം​ഗാൾ മുഖ്യമന്ത്രി മമത ബാനർജിയാണ് ഇക്കാര്യം വ്യക്തമാക്കിയത്. എന്നാൽ ക്ഷണത്തിന് പിണറായി വിജയൻ ഇതുവരെ മറുപടി നൽകിയിട്ടില്ലെന്നും മമത പറഞ്ഞു. പ്രതിപക്ഷ പാർട്ടി നേതാക്കളെ അണിനിരത്തി ഈ മാസം 19 ന്  മഹാറാലി നടത്താനാണ് തീരുമാനം. 

അതിനിടെ മമതയുടെ നീക്കങ്ങൾക്ക് തിരിച്ചടിയായി മഹാറാലിയിൽ നിന്നും കോ​ണ്‍​ഗ്ര​സ് അ​ധ്യ​ക്ഷ​ൻ രാ​ഹു​ൽ ഗാ​ന്ധി​യും യുപിഎ അ​ധ്യ​ക്ഷ സോ​ണി​യ ഗാ​ന്ധി​യും വി​ട്ടു​നി​ൽ​ക്കും. പകരം കോ​ണ്‍​ഗ്ര​സി​ന്‍റെ ലോ​ക്സ​ഭാ നേ​താ​വ് മ​ല്ലി​കാ​ർ​ജു​ൻ ഖാ​ർ​ഗെ​യാ​യി​രി​ക്കും പ​രി​പാ​ടി​യി​ൽ പ​ങ്കെ​ടു​ക്കു​ക.  മ​മ​ത​യൊ​ടൊ​പ്പം സോ​ണി​യ​യും രാ​ഹു​ലും വേ​ദി പ​ങ്കി​ടു​ന്ന​തി​ൽ ബം​ഗാളിലെ കോൺ​ഗ്രസ് നേതാക്കൾക്ക് അതൃപ്തിയുണ്ട്. ഇത് പരി​ഗണിച്ചാണ് ഇരുവരും പരിപാടിയിൽ നിന്നും വിട്ടുനിൽക്കുന്നതെന്നാണ് സൂചന. 

തെ​ല​ങ്കാ​ന മു​ഖ്യ​മ​ന്ത്രി ച​ന്ദ്ര​ശേ​ഖ​ർ റാ​വു​വും റാലിക്ക് എ​ത്തി​ല്ലെ​ന്ന് തൃ​ണ​മൂ​ൽ നേ​തൃ​ത്വ​ത്തെ അ​റി​യി​ച്ചി​ട്ടു​ണ്ട്. ബി​എ​സ്പി അ​ധ്യ​ക്ഷ മാ​യാ​വ​തി​യും റാലിയിൽ പങ്കെടുക്കുന്നത് സം​ബ​ന്ധി​ച്ച് ഇ​തു​വ​രെ നി​ല​പാ​ട് വ്യ​ക്ത​മാ​ക്കി​യി​ട്ടി​ല്ല. അതേസമയം മുൻപ്രധാനമന്ത്രി എച്ച് ഡി ദേവ​ഗൗഡ, കർണാടക മുഖ്യമന്ത്രി കുമാരസ്വാമി, ഡൽഹി മുഖ്യമന്ത്രി അരവിന്ദ് കെജ്രിവാൾ, ശരദ് പവാർ, ഫാറൂഖ് അബ്ദുള്ള തുടങ്ങിയവർ റാലിയിൽ പങ്കെടുക്കുമെന്ന് മമത അറിയിച്ചു. ബിജെപി എംപിയും നടനുമായ ശത്രുഘ്നൻ സിൻഹയും റാലിക്ക് എത്തുമെന്നാണ് റിപ്പോർട്ട്.