ദന്തേവാഡയിൽ രണ്ട് മാവോയിസ്റ്റുകൾ ഏറ്റുമുട്ടലിൽ കൊല്ലപ്പെട്ടു; ആയുധങ്ങൾ പിടിച്ചെടുത്തു

റായ്പുർ: ചത്തീസ്​ഗഢിലെ ദന്തേവാഡയിൽ സംയുക്ത സേനയുമായുള്ള ഏറ്റുമുട്ടലിൽ രണ്ട് മാവോയിസ്റ്റുകൾ കൊല്ലപ്പെട്ടു. ദന്തെവാഡെയിലെ ​ഗോന്തെരാസ് വനത്തിൽ വച്ചുണ്ടായ ഏറ്റുമുട്ടലിലാണ് മാവോയിസ്റ്റുകൾ കൊല്ലപ്പെട്ടത്. 

ഇവരിൽ നിന്ന് തോക്കുകളും വെടിക്കോപ്പുകളും പിടിച്ചെടുത്തു. പുലർച്ചെ അഞ്ച് മണി മുതലാണ് ഏറ്റുമുട്ടലുണ്ടായത്.