നാ​ഗ്പൂർ ആസ്ഥാനത്ത് ഇഫ്താർ പാർട്ടി വേണ്ട: ആർഎസ്എസ്

മുംബൈ: നാഗ്​പൂർ ആസ്ഥാനത്ത്​ ഇഫ്​താർ പാർട്ടി നടത്താനുള്ള രാഷ്​​ട്രീയ മുസ്​ലിം മഞ്ച്​ മഹാരാഷ്​ട്രാ ഘടകത്തിന്റെ ആവശ്യം ആർ.എസ്​.എസ്​ നിരാകരിച്ചു. നാഗ്​പൂരിലെ സ്​മൃതി മന്ദിറിൽ ഇഫ്​താർ പാർട്ടി നടത്തണമെന്നായിരുന്നു ആർഎസ്എസിന്റെ പോഷക സംഘടനയായ  മഹാരാഷ്​ട്ര മഞ്ചിന്റെ ആവശ്യം.ഇത് അം​ഗീകരിക്കാനാകില്ലെന്ന് ആർഎസ്എസ് നേതൃത്വം അറിയിക്കുകയായിരുന്നു.

അതേസമയം ആർ.എസ്​.എസ്​ തീരുമാനത്തെ മഞ്ചി​​ന്റെ ദേശിയ അധ്യക്ഷൻ മുഹമ്മദ്​ അഫ്​സൽ ന്യായീകരിച്ചു. ആരാണ്​ ഇഫ്​താർ പാർട്ടി നടത്തുന്നത്​ അവ​ർ തന്നെയാണ്​ അതിന്​ ആതിഥ്യം വഹിക്കേണ്ടത്​. അത്​ മറ്റുള്ളവരെ ഏൽപിക്കാൻ ഇസ്​ലാം അനുശാസിക്കുന്നില്ല. അതുകൊണ്ട്​ തന്നെ മഹാരാഷ്​ട്രാ രാഷ്​ട്രീയ മുസ്​ലിം മഞ്ച്​ അധ്യക്ഷ​​ന്റെ ആവശ്യം അടിസ്ഥാനപരമായി തെറ്റാണെന്നും അഫ്​സൽ പറഞ്ഞു. 

എന്നാൽ ഇന്ത്യയിൽ ഇപ്പോൾ നിലനിൽക്കുന്നുണ്ടെന്ന്​ ലോകം ആരോപിക്കുന്ന അസഹിഷ്​ണുതയുടെ സമയത്ത് ഇഫ്​താർ പാർട്ടി​ സാഹോദര്യത്തി​​​െൻറ സ​ന്ദേശം നൽകുമെന്ന്​ മഹാരാഷ്​ട്ര മഞ്ച്​ അധ്യക്ഷൻ ശൈഖ്​ പറഞ്ഞു. കഴിഞ്ഞ വർഷം മോമിൻപുരയിലെ ജുമാ മസ്​ജിദിൽ ഇത്തരത്തിൽ ഇഫ്​താർ സംഘടിപ്പിച്ചിരുന്നുവെന്നും അന്ന്​ ആർ.എസ്​.എസ്​, ബി.ജെ.പി നേതാക്കൾ പങ്കെടുത്തതായും അദ്ദേഹം  പറഞ്ഞു