നിയന്ത്രണ രേഖയ്ക്കടുത്ത് കുഴിബോംബ് സ്‌ഫോടനം; രണ്ട് സൈനികര്‍ കൊല്ലപ്പെട്ടു

ജമ്മു കശ്മീര്‍:  ജമ്മു കശ്മീരിലെ നൗഷേറ സെക്ടറില്‍ കുഴിബോംബ് സ്‌ഫോടനം. നിയന്ത്രണ രേഖയ്ക്കടുത്ത് ഉണ്ടായ സ്‌ഫോടനത്തില്‍ രണ്ട് സൈനികര്‍ കൊല്ലപ്പെട്ടു. ഒരു സൈനികന് ഗുരുതരമായി പരിക്കേറ്റിട്ടുണ്ട്. ഇയാളെ ആശുപത്രിയിലേക്ക് മാറ്റി. പട്രോളിങിന് ഇറങ്ങിയ സൈനികരാണ് കുഴിബോംബ് സ്‌ഫോടനത്തില്‍ കൊല്ലപ്പെട്ടത്. 

സുന്ദേര്‍ബനി സെക്ടറിനടുത്ത് പാക് സൈന്യം വെടിനിര്‍ത്തല്‍ കരാര്‍ ലംഘിച്ച് നടത്തിയ ആക്രമണത്തില്‍ ഒരു സൈനികന്‍ കൊല്ലപ്പെട്ടു. വൈകുന്നേപം ചൗക് മേഖലയില്‍ സിആര്‍പിഎഫ് ജവാന്‍മാര്‍ക്ക് നേരെയും ഗ്രനേഡ് ആക്രമണം ഉണ്ടായിരുന്നു.