നിയന്ത്രണം വിട്ട് കൂറ്റന്‍ ട്രക്ക്; കാറിനെയും ബൈക്കിനെയും ഇടിച്ചു തെറിപ്പിച്ചു; കടയിലേക്ക് മറിഞ്ഞു, ചങ്കിടിപ്പേറ്റുന്ന ദൃശ്യം

പാഞ്ഞുവന്ന ട്രക്ക് കാറിനെയും ബൈക്കിനെയും ഇടിച്ച് തെറിപ്പിച്ച് മറിഞ്ഞു. ജമ്മു കശ്മീരില്‍ നടന്ന അപകടത്തിന്റെ വീഡിയോ വാര്‍ത്താ ഏജന്‍സിയായ എഎന്‍ഐയാണ് പുറത്തുവിട്ടിരിക്കുന്നത്. നിന്ത്രണം വിട്ട ട്രക്ക് കാറിനെയും ബൈക്കിനെയും ഇടിച്ച് അടുത്തുള്ള കടയിലേക്ക് മറിയുകയായിരുന്നു. ജമ്മു-പത്താന്‍കോട്ട് നാഷണല്‍ ഹൈവെയില്‍ സാമ്പയിലാണ് അപകടം നടന്നത്.

അപകടത്തില്‍പ്പെട്ടവര്‍ക്ക് സാരമായ പരിക്കുകള്‍ പറ്റിയിട്ടില്ല എന്നാണ് വാര്‍ത്താ ഏജന്‍സി റിപ്പോര്‍ട്ട് ചെയ്യുന്നത്. പാഞ്ഞുവന്ന ട്രക്കിനെ കണ്ട് കാര്‍ റോഡില്‍ നിര്‍ത്തി തൊട്ടുപിന്നാലെയാണ് അപകടം സംഭവിച്ചത്. ഉള്ളിയും കൊണ്ടുവന്ന ട്രക്കാണ് അപകടത്തില്‍പ്പെട്ടത്.