ന്യൂഡല്‍ഹി: ഡല്‍ഹി നിയമസഭ തെരഞ്ഞെടുപ്പില്‍ കോണ്‍ഗ്രസിനേറ്റ കനത്ത തോല്‍വിയ്ക്ക് പിന്നാലെ പാര്‍ട്ടിക്കുള്ളില്‍ മാറ്റം ആവശ്യപ്പെട്ട് ജ്യോതിരാദിത്യ സിന്ധ്യ. സംഘടനയ്ക്ക് പുതിയ ആശയവും പ്രവര്‍ത്തന രീതിയും അടിയന്തരമായി സ്വീകരിക്കേണ്ടതുണ്ടെന്ന് സിന്ധ്യ പറഞ്ഞു.
'ഡല്‍ഹി തെരഞ്ഞെടുപ്പിലെ കോണ്‍ഗ്രസിന്റെ പരാജയം നിരാശാജനകമാണ്. പുതിയ ആശയവും പ്രവര്‍ത്തന രീതിയും സ്വീകരിക്കേണ്ടത് അത്യാവശ്യമാണ്. രാജ്യം മാറിക്കഴിഞ്ഞു. അതുകൊണ്ട് രാജ്യത്തെ ജനങ്ങളുമായി ബന്ധപ്പെടാന്‍ കോണ്‍ഗ്രസും പുതിയ വഴികള്‍ കണ്ടെത്തണം'- സിന്ധ്യ പറഞ്ഞു.
ഡല്‍ഹി തെരഞ്ഞെടുപ്പില്‍ തുടര്‍ച്ചയായ രണ്ടാംവട്ടവും കോണ്‍ഗ്രസ് സംപൂജ്യരായിരുന്നു. പാര്‍ട്ടിയുടെ വോട്ടിങ് ശതമാനവും കുത്തനെ കുറഞ്ഞു. 62 സീറ്റുകളില്‍ എഎപി വിജിച്ചപ്പോള്‍ എട്ടു സീറ്റുകള്‍ ബിജെപി നേടി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
