ന്യൂഡല്‍ഹി: കേന്ദ്രമന്ത്രി നിര്‍മ്മല സീതാരാമനെ അഭിനന്ദിച്ചുകൊണ്ടുള്ള ട്വീറ്റിന് പിന്നാലെ കോണ്‍ഗ്രസ് സോഷ്യല്‍ മീഡിയ മേധാവി ദിവ്യ സ്പന്ദനയുടെ ട്വിറ്റര്‍ അക്കൗണ്ട് അപ്രത്യക്ഷമായി. ഇന്ദിര ഗാന്ധിയ്ക്ക് ശേഷം ധനവകുപ്പ് കൈകാര്യം ചെയ്യുന്ന വനിതയായ നിര്‍മ്മല സീതാരാമനെ അഭിനന്ദിച്ചായിരുന്നു ദിവ്യയുടെ പോസ്റ്റ്.
കോണ്‍ഗ്രസ് വക്താക്കള്‍ ഒരുമാസത്തേക്ക് മാധ്യമങ്ങളില്‍ വരരുത് എന്ന പാര്‍ട്ടി വിലക്കിന്റെ അടിസ്ഥാനത്തിലാണ് ദിവ്യ ട്വിറ്ററില്‍ നിന്ന് പോയതെന്നും അഭിപ്രായം ഉയര്‍ന്നിട്ടുണ്ട്.
തകര്‍ന്ന സമ്പദ് വ്യവസ്ഥയെ നിര്‍മ്മല ഉണര്‍ത്തുമെന്ന് തനിക്ക് പ്രതീക്ഷയുണ്ടെന്നും ദിവ്യ കുറിച്ചിരുന്നു. എന്നാല്‍ ദിവ്യ വാര്‍ത്തകള്‍ നിഷേധിച്ചതായി വാര്‍ത്താ ഏജന്‍സിയായ എഎന്‍ഐ റിപ്പോര്‍ട്ട് ചെയ്യുന്നു. ദിവ്യയുടെ ട്വിറ്റര്‍ അക്കൗണ്ട് അപ്രത്യക്ഷമായതിനെക്കുറിച്ച് കോണ്‍ഗ്രസ് മാധ്യമ വിഭാഗവും പ്രതികരിച്ചിട്ടില്ല.
സാമൂഹ്യ മാധ്യമങ്ങളില്‍ ബിജെപി തരംംഗം സൃഷ്ടിക്കുന്ന സമയത്താണ് ദിവ്യയെ കോണ്‍ഗ്രസ് സോഷ്യല്‍ മീഡിയ മേധാവിയാക്കിയത്. സാമൂഹ്യ മാധ്യമ രംഗത്ത് പാര്‍ട്ടിക്ക് വേണ്ടി മികച്ച ഇടപെടലാണ് ദിവ്യ നടത്തിവന്നിരുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
