ന്യൂഡല്‍ഹി: പത്മ ആവാര്‍ഡുകള്‍ക്ക് ഇനി മുതല്‍ പൊതുജനങ്ങളില്‍ നിന്ന് ശുപാര്‍ശകള്‍ സ്വീകരിക്കാമെന്ന് പ്രധാമന്ത്രി നരേന്ദ്രമോദി. ഇതുവരെ മന്ത്രിമാരുടെ ശുപാര്‍ശ അനുസരിച്ചാണ് പത്മ അവാര്‍ഡുകള്‍ നല്‍കികൊണ്ടിരുന്നത്. ഈ നിയന്ത്രണം സര്‍ക്കാര്‍ എടുത്തുകളയുകയാണ്. ഇനി മുതല്‍ ആര്‍ക്കും ഒരു വ്യക്തിയെ പത്മപുരസ്‌കാരത്തിനായി നാമനിര്‍ദേശം ചെയ്യാമെന്നും ഇപ്രകാരം അറിയപ്പെടാതെ കിടക്കുന്ന പല ഹീറോകളെയും രാജ്യം തിരിച്ചറിയുമെന്നും പ്രധാനമന്ത്രി പറഞ്ഞു.
രാജ്യത്തെ യുവസംരംഭകര്‍ക്കായി നീതി ആയോഗ് സംഘടിപ്പിച്ച പരിപാടില്‍ സംസാരിക്കുകയായിരുന്നു അദ്ദേഹം.
ഓരോ പൗരനും ഈ രാജ്യത്തിനുവേണ്ടി എന്തെങ്കിലും ചെയ്യാന്‍ സാധിക്കുമെന്നും എല്ലാവരുടെയും സംഭാവനകളെ കൂട്ടിയോജിപ്പിച്ചുകൊണ്ട് രാജ്യത്തെ ശക്തിപ്പെടുത്താന്‍ സര്‍ക്കാര്‍ ആഗ്രഹിക്കുന്നത്്. പുതിയെ ഇന്ത്യയെ സൃഷ്ടിക്കാന്‍ സര്‍്ക്കാരും സര്‍്ക്കാര്‍ പദ്ധതികളും മാത്രം പോരാ. അതിനായി ഓരോരുത്തരും പ്രയത്‌നിക്കണമെന്നും പ്രധാനമന്ത്രി പറഞ്ഞു.
പുതിയ പരിഷ്‌കാരത്തിലൂടെ പത്മ അവാര്‍ഡുകള്‍ ഉന്നതര്‍ക്കും അനര്‍ഹര്‍ക്കും ലഭിക്കുന്നെന്ന പരാതി ഒഴിവാക്കാനാകും. വിവിധ കോണുകളില്‍ നിന്നും ഉയര്‍ന്നുവന്ന അഭിപ്രായത്തിന്റെ അടിസ്ഥാനത്തിലാണ് പുരസ്‌കാര ജേതാക്കളെ തിരഞ്ഞെടുക്കാന്‍ പൊതുജനങ്ങള്‍ക്ക് അവസരം നല്‍കുന്നതെന്നും പ്രധാനമന്ത്രി പറഞ്ഞു
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
