പന്ത്രണ്ടുകാരനെ കെട്ടിത്തൂക്കി കൊന്നു, ഭാര്യയെയും കൊലപ്പെടുത്തി ; യുവാവ് അറസ്റ്റില്‍,  നിര്‍ണായകമായത് മകള്‍ പകര്‍ത്തിയ വിഡിയോ

ബംഗളുരു: മകനെ കെട്ടിത്തൂക്കി കൊന്ന കേസില്‍ അച്ഛന്‍ അറസ്റ്റില്‍. കൊലപാതകത്തിന്റെ ദൃശ്യങ്ങള്‍ മകള്‍ ഫോണില്‍ പകര്‍ത്തിയതാണ് നിര്‍ണായക തെളിവായത്. 

കടബാധ്യതയില്‍ നിന്നും രക്ഷപെടുന്നതിനായി കുടുംബമായി ജീവനൊടുക്കാന്‍ ആയിരുന്നു ഇവരുടെ പദ്ധതി. ഇതനുസരിച്ചാണ് ഭാര്യയെ കൊലപ്പെടെുത്തിയ ശേഷം ഇയാള്‍ പന്ത്രണ്ട് വയസുള്ള മകന്റെ കഴുത്തില്‍ ബെഡ്ഷീറ്റ് മുറുക്കിയത്.  ഫാനില്‍ കെട്ടിത്തൂക്കി മരിച്ചുവെന്ന് ഉറപ്പ് വരുത്തിയ ശേഷമാണ് പിടി വിട്ടത്. ഭാര്യയുടെ മൃതദേഹം നിലത്ത് കിടക്കുന്നതും വിഡിയോ ദൃശ്യങ്ങളില്‍ കാണാം.

പേടിച്ച് കരഞ്ഞുവെങ്കിലും മൊബൈലില്‍ ദൃശ്യങ്ങള്‍ പകര്‍ത്തി മകള്‍ അയല്‍വാസികളെ അറിയിക്കുകയായിരുന്നു. ഇതേ തുടര്‍ന്ന് പൊലീസ് നടത്തിയ പരിശോധനയിലാണ് പ്രതിയെ അറസ്റ്റ് ചെയ്തത്. മകളുടെ മൊഴി പൊലീസ് ഇതുവരെയും രേഖപ്പെടുത്തിയിട്ടില്ല.