ന്യൂഡല്‍ഹി: രണ്ട് ഇന്ത്യന്‍ സൈനീകരെ വധിക്കുകയും, മൃതദേഹം വികൃതമാക്കുകയും ചെയ്ത പാക്കിസ്ഥാന്റെ നടപടിക്കെതിരെ തിരിച്ചടിച്ച് ഇന്ത്യ. പാക്കിസ്ഥാന്‍ ബങ്കറുകള്‍ തകര്‍ത്ത ഇന്ത്യന്‍ സൈന്യം ഏഴ് പാക് പട്ടാളക്കാരെ വധിച്ചു.
കിര്‍പാന്‍, പിമ്പിള്‍ മേഖലയിലിലെ രണ്ട് പാക്കിസ്ഥാനി ബങ്കറുകളാണ് ഇന്ത്യന്‍ സൈന്യം തകര്‍ത്തതെന്നാണ് റിപ്പോര്‍ട്ട്. വെടിനിര്‍ത്തല്‍ കരാര്‍ ലംഘിച്ച് പാക്കിസ്ഥാന്‍ സൈന്യം തിങ്കളാഴ്ച ആക്രമിച്ച കൃഷ്ണ ഘട്ടി മേഖലയ്ക്ക് എതിര്‍വശമുള്ള പ്രദേശങ്ങളാണ് കിര്‍പാനും പിമ്പിളും.
തിങ്കളാഴ്ചയാണ് പാക്കിസ്ഥാനി ബോര്‍ഡര്‍ ആക്ഷന്‍ ടീം രണ്ട് ഇന്ത്യന്‍ സൈനീകരെ വധിക്കുകയം ഇവരുടെ മൃതദേഹം വികൃതമാക്കുകയും ചെയ്തത്.ഒരു ആര്‍മി ജവാനും, ബിഎസ്എഫ് ജവാനുമാണ് കൊല്ലപ്പെട്ടത്. ഇവരുടെ തലയറുത്തിരുന്നതായാണ് ആര്‍മി ഉദ്യോഗസ്ഥനെ ഉദ്ധരിച്ച് പിടിഐ വാര്‍ത്ത നല്‍കിയത്.
സൈനീകരുടെ മൃതദേഹം വികൃതമാക്കിയെന്ന് സൈന്യം വ്യക്തമാക്കിയതോടെ ഇന്ത്യ ശക്തമായി തിരിച്ചടിക്കുമെന്ന് പ്രതിരോധ മന്ത്രി അരുണ്‍ ജെയ്റ്റ്‌ലി വ്യക്തമാക്കിയിരുന്നു. മനുഷ്യത്വ രഹിതമായ നടപടിയാണ് പാക്കിസ്ഥാന്റെ ഭാഗത്ത് നിന്നും ഉണ്ടായിരിക്കുന്നത്. യുദ്ധകാലത്ത് പോലും ഇത്തരം നടപടികള്‍ ഉണ്ടാവില്ലെന്നും ജെയ്റ്റ്‌ലി പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
