ശ്രീനഗര്‍: പുല്‍വാമയില്‍ മുന്‍ സൈനികനെ ഭീകരര്‍ വീട്ടില്‍ കയറി വെടിവച്ചു കൊന്നു. പിങ്ഗ്ലീന സ്വദേശിയായ ആഷിഖ് ഹുസൈന്‍(25) ആണ് കൊല്ലപ്പെട്ടത്. വീട്ടില്‍ വിശ്രമിക്കുകയായിരുന്ന ആഷിഖിന് നേരെ മുഖം മറച്ചെത്തിയ ഭീകരവാദികള്‍ നിറയൊഴിക്കുകയായിരുന്നു. വെടിയേറ്റ ഉടനെ ഇയാളെ സമീപത്തെ ആശുപത്രിയിലേക്ക് കൊണ്ടു പോയി എങ്കിലും ജീവന്‍ രക്ഷിക്കാനായില്ല.
ആക്രമണം നടന്നതിന് പിന്നാലെ സൈനികര്‍ പ്രദേശം വളഞ്ഞിട്ടുണ്ട്. ജമ്മു കശ്മീര്‍ പൊലീസും സൈന്യവും സംയുക്തമായാണ് തെരച്ചില്‍ നടത്തുന്നത്. ഗ്രാമത്തിലേക്ക് കൂടുതല്‍ സുരക്ഷാ സേനയെ നിയോഗിച്ചിട്ടുണ്ടെന്നും ഭീകരവാദികളെ ഉടന്‍ പിടികൂടുമെന്നും സംയുക്ത സേന വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
