ജയ്പൂര്‍: പൊതുസ്ഥലങ്ങളിലെ ആണ്‍ പെണ്‍ സൗഹൃദമാണ് ബലാത്സംഗം വര്‍ധിക്കാന്‍ കാരണമെന്ന് ബിജെപി എംപി സാക്ഷി മഹാരാജ്. മോട്ടോര്‍ ബൈക്കുകളിലും പാര്‍ക്ക് ചെയ്ത കാറുകളിലും പൊതുസ്ഥലങ്ങളിലുമെല്ലാം കെട്ടിപ്പിടിക്കുന്നതും ചുംബിക്കുന്നതുമാണ് പീഡനത്തിലേക്ക് എത്തിക്കുന്നത്. അത്തരക്കാരെ ജയിലില്‍ അടയ്ക്കണമെന്നും സാക്ഷി മഹാരാജ് പറയുന്നു.
ഇത്തരം കാര്യങ്ങള്‍ക്കെതിരെ നിയമനടപടി ശക്തമാക്കണം. ഗുര്‍മീത് റഹീമുമായി പാര്‍ട്ടിക്ക് യാതൊരു ബന്ധവുമില്ല. അതിന്റെ തെളിവാണ് അദ്ദേഹത്തെ ജയിലിലേക്ക് അയച്ചത്. മുന്‍ സര്‍ര്‍ക്കാര്‍ അങ്ങനെ ആയിരുന്നില്ല. തെരഞ്ഞെടുപ്പില്‍ വോട്ട് നേടുന്നതിനായി രാഷ്ട്രീയക്കാര്‍ വ്യാജദൈവങ്ങളുടെ അടുത്തേക്ക് പോകുകയാണെന്നും സാക്ഷി മഹാരാജ് പറഞ്ഞു.
റോഹിങ്ക്യന്‍ മുസ്ലീം അഭയാര്‍ത്ഥികള്‍ക്ക് രാജ്യത്ത് നിന്ന് പുറത്താക്കണമെന്നും ഒരു നിമിഷംപോലും രാജ്യത്ത് തുടരാന്‍ അവകാശമില്ലെന്നും സാക്ഷി മഹാരാജ് പറഞ്ഞു. സ്വത്തുവിവരങ്ങള്‍ വെളിപ്പെടുത്തുകയും നികുതി നല്‍കുകയും ചെയ്യുകയാണ് ശരിയായ പൗരന്‍ ചെയ്യേണ്ടത്. എത്ര വലിയവനായാലും നികുതി നല്‍കേണ്ടത് അത്യാവശ്യമാണെന്നും മഹാരാജ് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
