'പൊലീസുകാരെ ന​ഗ്നരാ​ക്കി പ​ര​സ്യ​മാ​യി ത​ല്ലും, അ​ല്ലെ​ങ്കി​ൽ നി​ങ്ങ​ൾ യ​ഥാ​ർ​ഥ ബി​ജെ​പി​ക്കാ​ര​ന​ല്ല', ബി​ജെ​പി അ​ധ്യ​ക്ഷ​നെതിരെ കേസ് 

കോ​ൽ​ക്ക​ത്ത: ബി​ജെ​പി പൊതുയോ​ഗത്തിൽ പൊലീസിനും തൃ​ണ​മൂ​ൽ കോ​ൺ​ഗ്ര​സി​നു​മെ​തി​രെ അ​ക്ര​മ​ത്തി​ന് ആ​ഹ്വാ​നം ചെ​യ്ത ബം​ഗാ​ൾ ബി​ജെ​പി അ​ധ്യ​ക്ഷ​ൻ ദി​ലീ​പ് ഘോ​ഷി​നെ​തി​രെ കേസെ​ടു​ത്തു. പൊ​ലീ​സി​നെ​യും തൃ​ണ​മൂ​ൽ പ്ര​വ​ർ​ത്ത​ക​രെ​യും ത​ല്ലു​ക​യും എ​റി​യു​ക​യും ചെ​യ്യ​ണമെന്നും അതിന്റെ ഉ​ത്ത​ര​വാ​ദി​ത്തം താൻ ഏ​ൽ​ക്കുമെന്നും ബി​ജെ​പി സം​സ്ഥാ​ന അ​ധ്യ​ക്ഷ​ൻ പറഞ്ഞു. കി​ഴ​ക്ക​ൻ മി​ഡ്നാ​പൂ​രി​ലെ മ​ച്ചേ​ദ​യി​ൽ റാ​ലി​യി​ൽ പ​ങ്കെടു​ത്ത് സം​സാ​രി​ക്കു​ക​യാ​യി​രു​ന്നു ദി​ലീ​പ് ഘോഷ്. 

പൊലീസുകാരെ ന​ഗ്ന​രാ​ക്കി പ​ര​സ്യ​മാ​യി ത​ല്ലു​മെന്ന് ഭീഷണി മുഴക്കിയ അദ്ദേഹം മു​ൻ കേ​ന്ദ്ര​മ​ന്ത്രി ചിം​ദ​ബ​ര​ത്തെ അ​ഴി​ക്കു​ള്ളി​ലാ​ക്കാ​മെ​ങ്കി​ൽ പ്രാ​ണി​ക​ളെ​യും കൊ​തു​കി​നെ​യും പോ​ലെ തൃ​ണ​മൂ​ൽ‌ കോ​ൺ​ഗ്ര​സ് വെ​റും നി​സാ​ര​മാ​ണെന്നും പറഞ്ഞു. 

"നി​ങ്ങ​ൾ അ​വ​രെ ത​ല്ലി​യി​ല്ലെ​ങ്കി​ൽ നി​ങ്ങ​ൾ യ​ഥാ​ർ​ഥ ബി​ജെ​പി​ക്കാ​ര​ന​ല്ല. രാ​ജ്യ​ത്ത് പ​ല​രെ​യും പാ​ഠം​പ​ഠി​പ്പി​ക്ക​ണ​മെ​ന്ന് ബി​ജെ​പി ആ​ഗ്ര​ഹി​ക്കു​ന്നു. എ​ല്ലാം ഒ​രു നോ​ട്ട്ബു​ക്കി​ലോ മ​റ്റോ എ​ഴു​തി​ക്കോ. മാ​റ്റം വ​രു​ക​യാ​ണ്. വ​ള​രെ സൂ​ക്ഷി​ച്ചോ. നി​ങ്ങ​ളോ​രു ടി​എം​സി നേ​താ​വോ പ്ര​വ​ർ​ത്ത​ക​നോ പൊലീ​സു​കാ​ര​നോ ആ​കാം, ഒ​ന്നി​നെ​യും വെ​റു​തെ​വി​ടി​ല്ല", ഘോഷ് പറഞ്ഞു. 

"കേ​ന്ദ്ര ആ​ഭ്യ​ന്ത​ര​മ​ന്ത്രി​യും ധ​ന​മ​ന്ത്രി​യു​മാ​യി​രു​ന്ന ആ​ൾ​ക്ക് ഇ​ന്ന് കു​ളി​ക്കാ​നോ കി​ട​ക്കാ​നോ ഇ​ട​മി​ല്ല. അ​ദ്ദേ​ഹം ആ​യി​ര​ക്ക​ണ​ക്കി​ന് കോ​ടി രൂ​പ കൊ​ള്ള​യ​ടി​ച്ചു. ഇ​ന്ന് അ​ദ്ദേ​ഹം വെ​റും ത​റ​യി​ൽ കി​ട​ന്നു​റ​ങ്ങു​ന്നു. നി​ങ്ങ​ൾ ഞ​ങ്ങ​ൾ​ക്ക് വെ​റും കീ​ട​ങ്ങ​ളും കൊ​തു​കു​മാ​ണ്", ഘോ​ഷ് പ​റ​ഞ്ഞു.

പ്ര​സം​ഗം വി​വാ​ദ​മാ​യ​തോ​ടെ പൊ​തു​പ്ര​വ​ർ​ത്ത​ക​ർ​ക്കും പൊ​ലീ​സി​നു​മെ​തി​രെ അ​ക്ര​മ​ത്തി​നു പ്രേ​രി​പ്പി​ച്ചെ​ന്നാ​രോ​പിച്ച് പൊ​ലീ​സ് ഘോ​ഷി​നെ​തി​രെ കേ​സെ​ടു​ത്തു.