മീററ്റ്: ത്രിപുരയ്ക്കും തമിഴ്‌നാടിനും പശ്ചിമ ബംഗാളിനും പിന്നാലെ യുപിയിലും പ്രതിമയ്ക്കു നേരെ ആക്രമണം. മീററ്റില്‍ ഭരണഘടനാ ശില്‍പ്പി ഡോ. ബി ആര്‍ അംബേദ്കറുടെ പ്രതിമയാണ് ആക്രമിക്കപ്പെട്ടത്.
ഇന്നലെ രാത്രി വൈകിയാണ് മീററ്റില്‍ അംബേദ്കര്‍ പ്രതിമ ആക്രമിക്കപ്പെട്ടത്. നഗരത്തിനടുത്തുള്ള മവാനയിലാണ് സംഭവം. രാവിലെയാണ് പ്രതിമ ആക്രമിക്കപ്പെട്ട വിവരം പുറത്തുവന്നത്.
അംബേദ്കര്‍ പ്രതിമയ്ക്കു നേരെയുള്ള അക്രമം പ്രദേശത്ത് സംഘര്‍ഷാവസ്ഥ സൃഷ്ടിച്ചു. മേഖലയിലെ ദലിത് പ്രവര്‍ത്തകര്‍ പ്രക്ഷോഭവുമായി രംഗത്തുവന്നു. അന്വേഷണം നടത്തണമെന്നും കുറ്റക്കാര്‍ക്കെതിരെ നടപടിയെടുക്കണമെന്നും അവര്‍ ആവശ്യപ്പെട്ടു. ഇവിടെ പുതിയ പ്രതിമ സ്ഥാപിക്കാമെന്നാണ് ജില്ലാ ഭരണകൂടം ഉറപ്പുനല്‍കിയിട്ടുണ്ട്. എന്നാല്‍ കുറ്റക്കാര്‍ക്കെതിരെ നടപടി ആവശ്യപ്പെട്ടുള്ള പ്രതിഷേധം തുടരുകയാണ്.
പ്രതിമകള്‍ക്കു നേരെ അക്രമം നടത്തുന്നവര്‍ക്കെതിരെ കടുത്ത നടപടിയെടുക്കണമെന്ന് കേന്ദ്ര സര്‍ക്കാര്‍ സംസ്ഥാനങ്ങള്‍ക്കു നിര്‍ദേശം നല്‍കിയതിനു പിന്നാലെയാണ് യുപിയില്‍ പ്രതിമ തകര്‍ക്കപ്പെട്ട വാര്‍ത്ത പുറത്തുവന്നിരിക്കുന്നത്. ഉത്തര്‍പ്രദേശിലെ ബിജെപി ഭരണകൂടം ഈ വാര്‍ത്തയോടു പ്രതികരിച്ചിട്ടില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
