നോയിഡ: ഉത്തര്‍പ്രദേശിലെ ഹാഥ്‌രസില്‍ പീഡനത്തിന് ഇരയായി കൊല്ലപ്പെട്ട പെണ്‍കുട്ടിയുടെ വീട് സന്ദര്‍ശിക്കാനെത്തിയ എഐസിസി ജനറല്‍ സെക്രട്ടറി പ്രിയങ്ക ഗാന്ധിയെ കയ്യേറ്റം ചെയ്ത സംഭവത്തില്‍ യുപി പൊലീസ് ക്ഷമാപണം നടത്തി.
സംഭവത്തില്‍ അന്വേഷണത്തിന് ഉത്തരവിട്ടിട്ടുണ്ട്. സ്ത്രീകളുടെ അഭിമാനത്തിന് ക്ഷതമേല്‍ക്കുന്ന തരത്തിലുള്ള പ്രവര്‍ത്തിയെ അനുകൂലിക്കുന്നില്ലെന്ന് പൊലീസ് വാര്‍ത്താ കുറിപ്പില്‍ പറഞ്ഞു.
ശനിയാഴ്ച നോയിഡയിലെത്തിയ പ്രിയങ്ക ഗാന്ധിയെ പുരുഷ പൊലീസ് ഓഫീസര്‍മാര്‍ വളഞ്ഞു. തള്ളിമാറ്റാന്‍ ശ്രമിച്ച പ്രിയങ്കയുടെ കുര്‍ത്തയില്‍ പൊലീസുകാരന്‍ പിടിച്ചു വലിക്കുന്നതിന്റെ ചിത്രങ്ങള്‍ പുറത്തുവന്നിരുന്നു. ഇതിന് പിന്നാലെ യുപി പൊലീസിനെതിരെ ശക്തമായ വിമര്‍ശനമാണ് ഉയര്‍ന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
