ന്യൂഡല്‍ഹി: ഐഎസ് തീവ്രവാദികളുടെ പിടിയില്‍ നിന്നും മോചിതമായതിന് ശേഷം ഫാ.ടോം ഉഴുന്നാലില്‍ രാജ്യത്ത് തിരിച്ചെത്തി. രാവിലെ ഏഴരയ്ക്ക് ഡല്‍ഹിയിലെത്തിയ ഉഴുന്നാലില്‍ 11.30ടെ പ്രധാനമന്ത്രി നരേന്ദ്ര മോദിയെ കണ്ടു.
എല്ലാവരേയും ദൈവം അനുഗ്രഹിക്കട്ടേ. ഈ ദിവസം സാധ്യമായതിന് ദൈവത്തിന് നന്ദിയെന്ന് ഫാ.ടോം ഡല്‍ഹി വിനാമത്താവളത്തില്‍ എത്തിയതിന് ശേഷം പറഞ്ഞു.
പ്രധാനമന്ത്രിക്ക് പുറമെ വിദേശകാര്യ മന്ത്രി സുഷമ സ്വരാജിനേയും ഉഴുന്നാലില്‍ കാണും. ഉച്ചയ്ക്ക് വത്തിക്കാന്‍ എംബസി സന്ദര്‍ശിച്ചതിന് ശേഷം വൈകീട്ടോടെ മാധ്യമങ്ങളെ കാണും. ഡല്‍ഹിയില്‍ നിന്നും നാളെയായിരിക്കും ബംഗളൂരുവിലേക്ക് തിരിക്കുക. ഞായറാഴ്ച രാവിലെ കേരളത്തിലെത്തുന്ന ഉഴുന്നാലില്‍ മുഖ്യമന്ത്രി പിണറായി വിജയനുമായും കൂടിക്കാഴ്ച നടത്തും
ഡല്‍ഹി ഇന്ദിരാഗാന്ധി വിമാനത്താവളത്തിലെത്തിയ ഉഴുന്നാലിന് കേന്ദ്ര ടൂറിസം മന്ത്രി അല്‍ഫോണ്‍സ് കണ്ണന്താനം, ഫരീദാബാദ് രൂപതാ ആര്‍ച്ച് ബിഷപ്പ് മാര്‍ കുര്യാക്കോസ് ഭരണികുളങ്ങര എന്നിവരുടെ നേതൃത്വത്തിലാണ് സ്വീകരണം ഒരുക്കിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
