റായ്പൂര്‍: ബലാത്സംഗശ്രമം ചെറുക്കുന്നതിനിടെ പതിനാലുകാരിയെ തീകൊളുത്തി കൊന്നു. ചത്തീസ്ഗഢിലെ മുംഗേലി ജില്ലയിലാണ് സംഭവം. ജൂണ്‍ 30നായിരുന്നു നാടിനെ നടുക്കിയ സംഭവം അരങ്ങേറിയത്.
ഗുരുതരമായി പൊളളലേറ്റ പതിനാലുകാരി ചികിത്സയ്ക്കിടയൊണ് മരിച്ചത്. പ്രതിയായ ബബ് ലു ഭാസ്‌കരനെ പൊലീസ് ബുധനാഴ്ച രാത്രി അറസ്റ്റ് ചെയ്തു.
ചൊവ്വാഴ്ച രാത്രി പെണ്‍കുട്ടി വീട്ടില്‍ ഒറ്റക്കാണെന്നറിഞ്ഞ് അതിക്രമിച്ച് കയറുകയായിരുന്നു. തുടര്‍ന്ന് ബലാത്സംഗം ചെയ്യാനുള്ള ശ്രമം പെണ്‍കുട്ടി തടഞ്ഞു. ഇതില്‍ പ്രകോപിതനായ മൂപ്പതുകാരന്‍ തീ കൊളുത്തി കൊല്ലുകയായിരുന്നു. ശരീരത്തില്‍ മണ്ണെണ്ണയൊഴിച്ച് തീ കൊളുത്തുകയായിരുന്നു. സഹായം അഭ്യര്‍ത്ഥിച്ച് പെണ്‍കുട്ടി വീട്ടിന് പുറത്തേക്ക് ഓടി. തുടര്‍ന്ന് അയല്‍വാസികള്‍ തീയണയ്ക്കുകയും ആശുപത്രിയില്‍ എത്തിക്കുകയും ആയിരുന്നു. പ്രതിക്കെതിരെ പോക്‌സോ വകുപ്പുകള്‍ ഉള്‍പ്പടെ ചേര്‍ത്താണ് കേസ് രജിസ്റ്റര്‍ ചെയ്തിരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
