ബിജെപിയുടെ അന്ത്യം കണ്ടുതുടങ്ങിയെന്ന് മമതാ ബാനര്‍ജി

ന്യൂഡല്‍ഹി:  ഉത്തര്‍പ്രദേശ്, ബീഹാര്‍ തെരഞ്ഞടുപ്പിലെ വിജയത്തില്‍ മായാവതിയെയും അഖിലേഷ് യാദവിനെയും ലാലുപ്രസാദിനെയും അഭിനന്ദിച്ച് പശ്ചിമബംഗാള്‍ മുഖ്യമന്ത്രിയും തൃണമൂല്‍ കോണ്‍ഗ്രസ് നേതാവുമായ മമതാ ബാനര്‍ജി രംഗത്ത്. യുപിയിലെ ഗോരഖ്പുരിലെയും ഫൂല്‍പുരിലെയും തിരഞ്ഞെടുപ്പുകളില്‍ ബിഎസ്പി  എസ് പി സഖ്യം വിജയിച്ചിരുന്നു. ബീഹാറിലെ അരാരിയയില്‍ ആര്‍ജെഡിവിജയിച്ചിരുന്നു. ഈ മഹത്തായ വിജയത്തില്‍ മൂവരെയും ട്വിറ്ററിലൂടെയാണ് മമത അഭിനന്ദിച്ചത്. 

ബിജെപി ഭരണത്തിന്റെ അന്ത്യം കണ്ടുതുടങ്ങിയെന്നായിരുന്നു മമതയുടെ ട്വീറ്റ്. ഉത്തര്‍പ്രദേശില്‍ ബിജെപി കേന്ദ്രങ്ങളെ ഞെട്ടിപ്പിച്ചുകൊണ്ടാണ് എസ്പിയുടെ വിജയം. എസ്പി ബിഎസ്പി ഒരുമിച്ച് നിന്നാണ് ഈ തെരഞ്ഞടുപ്പില്‍ മത്സരരംഗത്തുണ്ടായത്.