കോയമ്പത്തൂര്‍: ബോളിവുഡ് ഗായകന്‍ അര്‍മാന്‍ മാലിക് ആണെന്ന വ്യാജേന സോഷ്യല്‍മീഡിയയില്‍ സൗഹൃദങ്ങള്‍ സ്ഥാപിച്ച യുവാവ് പിടിയില്‍. 30കാരനായ മഹേന്ദ്ര വര്‍മാന്‍ ആണ് പിടിയിലായത്. തമിഴ്‌നാട്ടിലെ വില്ലുപുറം സ്വദേശിയാണ് ഇയാള്‍.
ഫേസ്ബുക്കിലും വാട്‌സാപ്പിലും അര്‍മാന്‍ മാലിക്കായി ആള്‍മാറാട്ടം നടത്തി നിരവധി സ്ത്രീകളുമായി ഇയാള്‍ സൗഹൃദം സ്ഥാപിച്ചു. ചില സ്ത്രീകളുടെ സ്വകാര്യ ചിത്രങ്ങളടക്കം കൈക്കലാക്കി. പിന്നീട് ഇത് കാട്ടി ഭീഷണിപ്പെട്ടുത്തി പണം വാങ്ങുകയായിരുന്നു യുവാവ്.
ഇതിനോടകം ഇയാള്‍ ലക്ഷക്കണക്കിന് രൂപ കൈക്കലാക്കിയതായി പൊലീസ് പറഞ്ഞു. കോയമ്പത്തൂര്‍ സ്വദേശിയായ ഒരു യുവതി നല്‍കിയ പരാതിയുടെ അടിസ്ഥാനത്തിലാണ് പൊലീസ് അന്വേഷണം നടത്തിയത്. മറ്റൊരു യുവതി മുഖാന്തരം വല വിരിച്ച് യുവാവിനെ കുടുക്കുകയായിരുന്നെന്ന് പൊലീസ് പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
