ന്യൂഡല്‍ഹി: സ്ത്രീകളുടെ അടിവസ്ത്രത്തിനുള്ളില്‍ സ്വര്‍ണം ഒളിപ്പിച്ച് കടത്താന്‍ ശ്രമിച്ചയാളെ വിമാനത്താവളത്തില്‍ പിടികൂടി. 30 ലക്ഷം രൂപ വിലവരുന്ന സ്വര്‍ണം ബ്രാക്കുള്ളില്‍ ഒളിപ്പിച്ച് കടത്താന്‍ ശ്രമിച്ച പുരുഷ യാത്രക്കാരനെയാണ് കസ്റ്റംസ് ഉദ്യോഗസ്ഥര്‍ പിടികൂടിയത്. കയ്യില്‍ കരുതിയിരുന്ന സ്ത്രീകളുടെ പഴ്‌സിലും സ്വര്‍ണം ഒളിപ്പിച്ചിരുന്നു.
മോസ്‌കോയില്‍ നിന്ന് ഡല്‍ഹിയിലെത്തുന്ന യാത്രക്കാരനെക്കുറിച്ച് സെപ്തംബര്‍ 22ന് കസ്റ്റംസ് ഉദ്യോഗസ്ഥന് വിവരം ലഭിച്ചിരുന്നു. ഡല്‍ഹിയിലെ അന്താരാഷ്ട്ര വിമാനത്താവളത്തിലെത്തിയ യാത്രക്കാരനെ കസ്റ്റംസ് വിശദ പരിശോധനക്ക് വിധേയനാക്കി.
ധരിച്ചിരുന്ന ബ്രായ്ക്കുള്ളില്‍ നൂല്‍ രൂപത്തിലാണ് സ്വര്‍ണം ഒളിപ്പിച്ചിരുന്നത്. 794 ഗ്രാം തൂക്കം വരുന്ന ആറ് സ്വര്‍ണക്കട്ടകളും കണ്ടെടുത്തു. ആകെ പിടിച്ചെടുത്ത സ്വര്‍ണത്തിന് 30 ലക്ഷം വിലവരുമെന്ന് കസ്റ്റംസ് ഉദ്യോഗസ്ഥര്‍ പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
