ദിവസവും മദ്യപിച്ച് വീട്ടില്‍ വരുന്നത് ചോദ്യം ചെയ്ത അമ്മയെ മകന്‍ കൊലപ്പെടുത്തി കത്തിച്ചു. അമ്മയുടെ ചിതയില്‍ കോഴിയെ വേവിച്ച് കഴിച്ച മകനെ പൊലീസ് അറസ്റ്റ് ചെയ്തു. ജാര്‍ഖണ്ഡിലാണ് മനുഷ്യമനസാക്ഷിയെ ഞെട്ടിക്കുന്ന സംഭവമുണ്ടായത്.
സുമി സോയ എന്ന അറുപതുകാരിയെയാണ് മകന്‍ പ്രധാന്‍ സോയ് (35) തടികൊണ്ട് അടിച്ചു കൊന്നത്. വെള്ളിയാഴ്ച രാത്രി വൈകി വീട്ടില്‍ എത്തിയതിന് ശാസിച്ചതാണ് കൊലപാകത്തിന് കാരണമെന്ന് പൊലീസ് പറയുന്നു. കൊലപ്പെടുത്തിയ ശേഷം, വീടിന്റെ മുറ്റത്ത് ചിത കത്തിച്ച് അതില്‍ ഒരു കോഴിയെ വേവിച്ച് കഴിച്ചു.
രാവിലെ അമ്മയുടെ പകുതി വെന്ത ശരീരം സ്റ്റൗവില്‍ വെച്ച് കത്തിക്കാന്‍ ശ്രമിക്കുന്നത് കണ്ട സഹോദരി അയല്‍ക്കാരെ വിവരമറിയിക്കുകയായിരുന്നു. തുടര്‍ന്ന് അയല്‍ക്കാരെത്തി ഇയാളെ പിടിച്ചുവച്ചു പൊലീസില്‍ ഏല്‍പ്പിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
