ഡെറാഡൂണ്‍: കനത്ത മഞ്ഞുവീഴ്ചയെത്തുടര്‍ന്ന് ഉത്തരാഖണ്ഡില്‍ മുന്‍ മുഖ്യമന്ത്രിയും സംഘവും കേദാര്‍നാഥില്‍ കുടുങ്ങി. മുന്‍ മുഖ്യമന്ത്രി ഹരീഷ് റാവത്ത്, രാജ്യസഭാംഗം പ്രദീപ് താംട, എംഎല്‍എ മനോജ് റാവത് എന്നിവരാണ് കേദാര്‍നാഥില്‍ കുടുങ്ങിയത്.
ഇന്നലെ രാത്രി മുതല്‍ മഞ്ഞുവീഴ്ച ശക്തമായതിനെത്തുടര്‍ന്ന് കേദാര്‍നാഥിലേക്കുള്ള വഴികള്‍ തടസപ്പെട്ടിരിക്കുകയാണ്. ഈ പാതയിലൂടെ ഇപ്പോള്‍ ഗതാഗതം അനുവദിക്കുന്നില്ല. കേദാര്‍നാഥില്‍ എത്തിയവരോട് പാത തുറക്കുന്നതുവരെ തങ്ങാന്‍ അധികൃതര്‍ ആവശ്യപ്പെടുകയായിരുന്നു. കേദാര്‍നാഥിലേക്ക് ആരെയും കടത്തിവിടുന്നുമില്ല.
കേദാര്‍നാഥ് ക്ഷേത്രദര്‍ശനത്തിനായി ഞായറാഴ്ചയാണ് ഹരീഷ് റാവത്തും സംഘവും എത്തിയത്. ഹെലികോപ്റ്ററിലാണ് ഇവര്‍ എത്തിയെതെങ്കിലും മോശം കാലാവസ്ഥ മൂലം കേദാര്‍നാഥില്‍ കുടുങ്ങുകയായിരിന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
