മണിപ്പൂരില്‍ 5.5 തീവ്രത രേഖപ്പെടുത്തിയ ഭൂചലനം

ഗുവാഹത്തി: വടക്കുകിഴക്കന്‍ സംസ്ഥാനങ്ങളില്‍ ഭൂചലനം. ഭൂകമ്പമാപിനിയില്‍ 5.5 തീവ്രത രേഖപ്പെടുത്തിയ ഭൂചലനമാണ് മണിപ്പൂരില്‍ അനുഭവപ്പെട്ടത്.

രാത്രി 8.12നാണ് വടക്കുകിഴക്കന്‍ സംസ്ഥാനങ്ങളില്‍ ഭൂചലനം അനുഭവപ്പെട്ടത്. മണിപ്പൂരിന് പുറമേ അസമിന്റെ വിവിധ ഭാഗങ്ങളിലും മേഘാലയ, നാഗലന്‍ഡ്, മിസോറാം എന്നിവിടങ്ങളിലും പ്രകമ്പനം ഉണ്ടായി.

മണിപ്പൂരാണ് പ്രഭവ കേന്ദ്രമെന്നാണ് റിപ്പോര്‍ട്ടുകള്‍. മണിപ്പൂരിലെ കാക്കിംഗ് ജില്ലയുടെ തെക്ക് പടിഞ്ഞാറ് ഭാഗത്ത്  10 - 12 കിലോമീറ്റര്‍ മാറിയാണ് ഇതിന്റെ പ്രഭവ കേന്ദ്രം. മണിപ്പൂരിലെ മോയിരാങ് മേഖലയുടെ പടിഞ്ഞാറ് ഭാഗത്ത് 15 കിലോമീറ്റര്‍ മാറി 5.5 തീവ്രത രേഖപ്പെടുത്തിയ ഭൂചലനം അനുഭവപ്പെട്ടതായാണ് റിപ്പോര്‍ട്ടുകള്‍. നിലവില്‍ ആര്‍ക്കും ആളപായമില്ല.