അഹമ്മദാബാദ്: ഗുജറാത്തിലെ വോട്ടര്‍മാര്‍ രാഹുല്‍ ഗാന്ധിയെ ക്ഷേത്രദര്‍ശനത്തിന്റൈ പ്രാധാന്യം പഠിപ്പിച്ചുകൊടുത്തെന്ന് ഉത്തര്‍പ്രദേശ് മുഖ്യമന്ത്രി യോഗി ആദ്യത്യനാഥ്. കൂടാതെ മുന്‍ പ്രധാനമന്ത്രിയും കോണ്‍ഗ്രസ് നേതാവുമായ മന്‍മോഹന്‍ സിംഗിന്റെ വാതുറപ്പിക്കാനും ഗുജറാത്ത് ജനതയ്ക്ക് കഴിഞ്ഞെന്നും യോഗി പറഞ്ഞു.
ഗുജറാത്ത് തെരഞ്ഞെടുപ്പ് കൊണ്ടുണ്ടായ പ്രധാനപ്പെട്ട നേട്ടങ്ങളാണ് ഇവ രണ്ടും. ഗുജറാത്ത് തെരഞ്ഞടുപ്പ് പ്രചാരണത്തിനിടെയായിരുന്നു യോഗിയുടെ രാഹുല്‍-മോദി വിരുദ്ധ പരാമര്‍ശം. യുപി തെരഞ്ഞെടുപ്പിനിടെയും രാഹുല്‍ ഗാന്ധി ക്ഷേത്രദര്‍ശനം പതിവാക്കിയിരുന്നു.
പാക്കിസ്ഥാന്‍ വിഷയത്തില്‍ മോദിക്കെതിരായ മന്‍മോഹന്‍സിങിന്റെ പരാമര്‍ശത്തിന് ജനങ്ങള്‍ ബാലറ്റിലൂടെ മറുപടി നല്‍കും. ശ്രീകൃഷ്ണനും ശ്രീരാമനും സാങ്കല്‍പികമാണെന്നായിരുന്നു കോണ്‍ഗ്രസ് നേതൃത്വത്തിലുണ്ടായിരുന്ന യു പി എ സര്‍ക്കാര്‍ മുമ്പ് സുപ്രീം കോടതിയില്‍ പറഞ്ഞത്. അവര്‍ സാങ്കല്‍പികമാണെങ്കില്‍ രാഹുല്‍ ഗാന്ധി എന്തിനാണ് ക്ഷേത്രങ്ങളില്‍ സന്ദര്‍ശനം നടത്തുന്നതെന്നും ആദിത്യ നാഥ് കുറ്റപ്പെടുത്തി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
