മലയിടിഞ്ഞ് ഹൈവേയില്‍, മണ്ണിടിച്ചിലിന്റെ വീഡിയോ പുറത്ത്

ഡെറാഡൂണ്‍: ഉത്തരാഖണ്ഡില്‍ മണ്ണിടിച്ചില്‍. ഋഷികേശ്- ബദരീനാഥ് ഹൈവേയിലാണ് മണ്ണിടിച്ചില്‍ ഉണ്ടായത്. ഇതോടെ വാഹനഗതാഗതം തടസ്സപ്പെട്ടു.

രാവിലെയാണ് സംഭവം. ഇതിന്റെ വീഡിയോ വ്യാപകമായാണ് പ്രചരിക്കുന്നത്. തെഹ്‌രി-ഗാര്‍വാള്‍ ജില്ലയില്‍ ബയാസിക്ക് സമീപമാണ് മണ്ണിടിച്ചില്‍ ഉണ്ടായത്. ഈ സമയത്ത് വാഹനങ്ങള്‍ ഉണ്ടാവാതിരുന്നത് വന്‍ അപകടം ഒഴിവാക്കി. ആര്‍ക്കും ആളപായമില്ലെന്നാണ് റിപ്പോര്‍ട്ടുകള്‍.

കഴിഞ്ഞാഴ്ചയും ബദരീനാഥ് ഹൈവേയില്‍ മണ്ണിടിച്ചിലിനെ തുടര്‍ന്ന് വാഹനഗതാഗതം തടസ്സപ്പെട്ടിരുന്നു. കനത്തമഴയെ തുടര്‍ന്ന് ഇത്തവണ നിരവധി തവണയാണ് ഉത്തരാഖണ്ഡില്‍ മണ്ണിടിച്ചില്‍ ഉണ്ടായത്.