ശമ്പളവര്‍ധന ആവശ്യപ്പെട്ട് ആശാ വര്‍ക്കറുടെ ആത്മഹത്യാ  ഭീഷണി; ടവറില്‍ നിന്നും താഴെയിറക്കുന്നതിനിടെ കാല്‍തെറ്റി വീണ് യുവതിക്ക് ഗുരുതര പരുക്ക് (വീഡിയോ)

ഭോപ്പാല്‍: ആശാ വര്‍ക്കേഴ്‌സിന്റെ മിനിമം ശമ്പളം വര്‍ധിപ്പിക്കണമെന്നാവശ്യപ്പെട്ട് വയര്‍ലസ് ടവറില്‍ കയറി യുവതിയുടെ ആത്മഹത്യാ ഭീഷണി. ആത്മഹത്യ ഭീഷണി മുഴക്കിയ യുവതിയെ ഫയര്‍ഫോഴ്‌സും പൊലീസും രക്ഷിക്കുന്നതിനിടെ ടവറിന്റെ പകുതിയില്‍വച്ച് യുവതിയും പൊലീസുകാരും താഴെ വീണു. പരുക്കറ്റ യുവതിയെ മധ്യപ്രദേശിലെ ഗാന്ധി മെഡിക്കല്‍ കൊളേജില്‍ പ്രവേശിപ്പിച്ചു.

യുവതി താഴെ വീഴുന്ന വീഡിയോ എഎന്‍ഐ ആണ് പുറത്ത് വിട്ടത്. ഇതിന് പിന്നാലെ വീഡിയോ സോഷ്യല്‍ മീഡിയയില്‍ പ്രചരിക്കുന്നുണ്ട്.