ന്യൂഡൽഹി: രാജസ്ഥാൻ സ്വദേശിനി സുമൻ റാവുവിനെ മിസ് ഇന്ത്യ 2019 ആയി തെരഞ്ഞെടുത്തു. ബീഹാറില് നിന്നുള്ള ശ്രയ ശങ്കര് മിസ് ഇന്ത്യ യുണൈറ്റഡ് കോണ്ടിനന്റ്സ് 2019 ആയും ഛത്തീസ്ഗഡില് നിന്നുള്ള ശിവാനി ജാദവ് മിസ് ഗ്രാന്ഡ് ഇന്ത്യ 2019 ആയും തിരഞ്ഞെടുക്കപ്പെട്ടു. ശിവാനി ജാദവ് തന്നെയാണ് മിസ് ഇന്ത്യ റണ്ണര് അപ്പ് പട്ടവും സ്വന്തമാക്കിയത്. തെലങ്കാന സ്വേദശിനി സഞ്ജന വിജ് ആണ് മിസ് ഇന്ത്യ 2018 സെക്കൻഡ് റണ്ണർ അപ്പ്.
30 മത്സരാർഥികളെ പിന്തള്ളിയാണ് സുമൻ റാവു മിസ് ഇന്ത്യ പട്ടം കരസ്ഥമാക്കിയത്. മിസ് ഇന്ത്യ 2018 അനുക്രീതി വാസ് 2019ലെ സുന്ദരിയെ വിജയ കിരീടമണിയിച്ചു.
ബോളിവുഡ് താരങ്ങളായ കത്രീന കൈഫ്, വിക്കി കൗശല്, ഹുമ ഗുറേഷി, ദിയ മിര്സ, നേഹ ദൂപിയ എന്നിവര് പരിപാടിയില് പങ്കെടുത്തു. സംവിധായകന് കരണ് ജോഹറും മനീഷ് പോളും ചേര്ന്നാണ് പരിപാടി അവതരിപ്പിച്ചത്. 2017 മിസ് വേള്ഡ് മാനുഷി ചില്ലാറും ഇവര്ക്കൊപ്പമുണ്ടായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates