ന്യൂഡല്‍ഹി : കോവിഡ് രോഗവ്യാപനം രൂക്ഷമാകുന്നതിനിടെ, കേന്ദ്ര ആരോഗ്യമന്ത്രാലയത്തിന് പുതിയ സെക്രട്ടറിയെ നിയമിച്ചു. മുതിര്‍ന്ന ഉദ്യോഗസ്ഥനായ രാജേഷ് ഭൂഷണെയാണ് ആരോഗ്യവകുപ്പ് സെക്രട്ടറിയായി നിയമിച്ചത്. പേഴ്‌സണല്‍ മന്ത്രാലയം ഇതുസംബന്ധിച്ച ഉത്തരവ് പുറത്തിറക്കി.
നിലവിലെ സെക്രട്ടറി പ്രീതി സുഡാന്‍ വിരമിക്കുന്ന ഒഴിവിലാണ് രാജേഷ് ഭൂഷനെ നിയമിച്ചത്. 1987 ബിഹാര്‍ കേഡര്‍ ഐഎഎസ് ഓഫീസറാണ് രാജേഷ് ഭൂഷണ്‍. ഈ മാസം 31 നാണ് പ്രീതി സുഡാന്‍ വിരമിക്കുന്നത്.
കേന്ദ്ര ആരോഗ്യമന്ത്രാലയത്തിന് കീഴിലെ കുടുംബക്ഷേമ വിഭാഗത്തില്‍ ഓഫീസര്‍ ഓണ്‍ സ്‌പെഷല്‍ ഡ്യൂട്ടിയായി സേവനം അനുഷ്ഠിക്കുകയായിരുന്നു നിലവില്‍ രാജേഷ് ഭൂഷണ്‍. ഈ വര്‍ഷം ഏപ്രിലിലാണ് ഇദ്ദേഹത്തെ ഒഎസ്ഡിയായി നിയമിച്ചത്.
ഖനി വകുപ്പ് സെക്രട്ടറിയായ സുശീല്‍ കുമാറിനെ ദേശീയ പട്ടികജാതി കമ്മീഷന്‍ സെക്രട്ടറിയായി മാറ്റി നിയമിച്ചു. 1987 ത്രിപുര കേഡര്‍ ഐഎഎസ് ഉദ്യോഗസ്ഥനാണ് സുശീല്‍കുമാര്‍. കല്‍ക്കരി മന്ത്രാലയം സെക്രട്ടറി അനില്‍ കുമാര്‍ ജെയിനിന് ഖനി വകുപ്പിന്റെ അധിക ചുമതലയും നല്‍കിയിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
