മോദി കാമറകൾ വച്ചിട്ടുണ്ട്, താമരയ്ക്ക് വോട്ട് ചെയ്തില്ലെങ്കിൽ ജോലിയുണ്ടാകില്ല; ഭീഷണിയുമായി ബിജെപി എംഎൽഎ 

ഫ​ത്തേ​പു​ര: ബി​ജെ​പി സ്ഥാ​നാ​ർ​ഥി​ക്ക് വോ​ട്ട് ചെ​യ്തി​ല്ലെ​ങ്കി​ൽ തൊഴിലുണ്ടാകില്ലെന്ന ഭീഷണിയുമായി ബി​ജെ​പി എം​എ​ൽ​എ. ഫ​ത്തേ​പു​ര​യി​ലെ ബി​ജെ​പി എം​എ​ൽ​എ ര​മേ​ഷ് ക​ത്താ​ര​യുടേതാണ് ഭീഷണി. ഗു​ജ​റാ​ത്തി​ലെ ദ​ഹോ​ദ​യി​ലെ ബി​ജെ​പി സ്ഥാ​നാ​ർ​ഥി ജ​സ്‌​വ​ന്ത് സിം​ഗ് ഭാ​ഭോ​റി​നായി പ്രചരണത്തിനെത്തിയപ്പോഴാണ് ര​മേ​ഷ് ക​ത്താ​രയുടെ ഈ പരാമർശം.

പോളിങ് ബൂത്തുകളിൽ പ്രധാനമന്ത്രി നരേന്ദ്ര മോദി ഇക്കൊല്ലം കാമറകൾ സ്ഥാപിച്ചിട്ടുണ്ടെന്നും ആരൊക്കെയാണ് ബിജെപിക്ക് വോട്ട് ചെയ്യാത്തതെന്ന് ഇതുവഴി മനസിലാകുമെന്നും അ​ദ്ദേഹം പറ‍ഞ്ഞു. "വോ​ട്ടിം​ഗ് യ​ന്ത്ര​ത്തി​ൽ ജ​സ്‌​വ​ന്ത് സിം​ഗ് ഭാ​ഭോ​റി​ന്‍ ചി​ത്ര​മോ താ​മ​ര ചി​ഹ്ന​മോ ക​ണ്ടാ​ൽ ആ ​ബ​ട്ട​ൺ അമർത്തണം. പിഴവുണ്ടാകരുത്. മോ​ദി കാ​മ​റ​ക​ൾ സ്ഥാ​പി​ച്ചി​ട്ടു​ണ്ട്. ആ​രാ​ണ് ബി​ജെ​പി​ക്ക് വോ​ട്ട് ചെ​യ്യു​ന്ന​ത്, ആ​രാ​ണ് കോ​ൺ​ഗ്ര​സി​ന് വോ​ട്ട് ചെ​യ്യു​ന്ന​ത് എന്നെല്ലാം ഇതിൽ കാണാം." 

പോളിങ് കുറവുള്ള ബൂത്തുകളിൽ കാമറ പരിശോധ‌ിച്ച് ആരാണ് വോട്ട് ചെയ്യാത്തതെന്ന് കണ്ടെത്തുമെന്നും അവർക്ക് പിന്നെ തൊഴിൽ ഉണ്ടാകില്ലെന്നും ക​ത്താ​ര പറഞ്ഞു.

തെരഞ്ഞെടുപ്പിന്റെ മൂന്നാം ഘട്ടത്തിലാണ് ​ഗുജറാത്തിൽ പോളിങ് നടക്കുക. ഏപ്രിൽ 23ന് വോട്ടെടുപ്പും മെയ് 23ന് വോട്ടെണ്ണലും നടക്കും.