ന്യൂഡല്ഹി: രണ്ടാം മോദി സര്ക്കാര് 100 ദിനങ്ങള് പൂര്ത്തിയാക്കുന്ന വേളയില് സര്ക്കാരിന്റെ വീഴ്ചകള് ഉയര്ത്തിക്കാട്ടി പരിഹാസവുമായി കോണ്ഗ്രസ്. വീഴ്ചകള് ചൂണ്ടിക്കാട്ടുന്ന മൂന്ന് മിനിറ്റുള്ള വീഡിയോ ട്വിറ്ററിലൂടെ പുറത്തുവിട്ടാണ് കോണ്ഗ്രസിന്റെ വിമര്ശനം. കച്ചവടക്കാരുടെയക്കമുള്ള സാധാരണക്കാരുടെ അഭിപ്രായങ്ങളുള്ള മറ്റൊരു വീഡിയോയും ഔദ്യോഗിക പേജിലുണ്ട്.
തൊഴിലില്ലായ്മ, സാമ്പത്തിക തകര്ച്ച, ആള്ക്കൂട്ട ആക്രമണം, കശ്മീര് വിഷയം എന്നിവയാണ് വീഡിയോയിലെ പ്രധാന വിഷയങ്ങള്. ദുര്ഭരണം, അലങ്കോലം, അരാജകം എന്നീ മൂന്ന് വാക്കുകളില് സര്ക്കാറിന്റെ 100 ദിവസത്തെ വിശേഷിപ്പിക്കാമെന്നും വീഡിയോയില് പറയുന്നു.
എട്ട് മേഖലകളിലെ സാമ്പത്തിക വളര്ച്ച എന്നത് വെറും രണ്ട് ശതമാനം മാത്രമാണ്. എന്നിട്ടും സാമ്പത്തിക രംഗം തകര്ച്ചയിലാണെന്ന് ധനമന്ത്രി സമ്മതിക്കുന്നില്ല. സര്ക്കാറിന്റെ പിടിപ്പുകേടുകൊണ്ട് രാജ്യം സാമ്പത്തിക മാന്ദ്യത്തിലേക്ക് പോകുകയാണെന്നും കോണ്ഗ്രസ് വിമര്ശിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
