ന്യൂഡല്‍ഹി: വാരാണസിയില്‍ പ്രധാനമന്ത്രി നരേന്ദ്രമോദിക്കെതിരെ മത്സരിക്കാന്‍ എഐസിസി ജനറല്‍ സെക്രട്ടറി പ്രിയങ്ക വാദ്ര തയ്യാറാണെന്ന് ഭര്‍ത്താവും ബിസിനസ്സുകാരനുമായ റോബര്‍ട്ട് വാദ്ര. ഇക്കാര്യത്തില്‍ അന്തിമ തീരുമാനമെടുക്കേണ്ടത് കോണ്‍ഗ്രസ് നേതൃത്വമാണെന്നും റോബര്‍ട്ട് വാദ്ര പറഞ്ഞു.
വാരാണസിയില്‍ മോദിക്കെതിരെ കോണ്‍ഗ്രസ് സ്ഥാനാര്‍ത്ഥിയായി പ്രിയങ്ക വാദ്ര മത്സരിക്കുമെന്ന് അഭ്യൂഹങ്ങള്‍ ഉണ്ടായിരുന്നു. ഇതിനെ അനുകൂലിക്കുന്ന പ്രസ്താവന തെരഞ്ഞെടുപ്പ് പ്രചാരണത്തിനിടെ പ്രിയങ്ക വാദ്ര നടത്തിയിരുന്നു. താന്‍ ഈ തെരഞ്ഞെടുപ്പില്‍ മത്സരിക്കുകയാണെങ്കില്‍ അത് വാരാണസിയില്‍ നിന്നുമായിരിക്കുമെന്നായിരുന്നു പ്രിയങ്കയുടെ വാക്കുകള്‍.
നിലവില്‍ കിഴക്കന്‍ യുപിയുടെ ചുമതലയുളള പ്രിയങ്ക വാദ്ര യുപിയില്‍ ആവേശമായി മാറിയിട്ടുണ്ട്. ജനങ്ങളുമായി നേരിട്ട് സംവദിക്കുന്ന പ്രചാരണരീതിയാണ് പ്രിയങ്ക സ്വീകരിച്ചിരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
