ലഖ്‌നൗ: എഐസിസി ജനറല്‍ സെക്രട്ടറി പ്രിയങ്കാഗാന്ധിയുടെ യാത്രയ്ക്കിടെ കോണ്‍ഗ്രസ് ബിജെപി പ്രവര്‍ത്തകര്‍ ഏറ്റുമുട്ടി. മോദിയുടെ മണ്ഡലമായ വാരാണസിയില്‍ ഗംഗാ യാത്ര ക്യാംപയിനിടെയായിരുന്നു പ്രവര്‍ത്തകര്‍ തമ്മില്‍ ഏറ്റുമുട്ടിയത്.
തിങ്കളാഴ്ച പ്രയാഗ് രാജില്‍വെച്ചായിരുന്നു ഗംഗാ യാത്രയ്ക്ക് തുടക്കമായത്. പ്രിയങ്ക ഗാന്ധിയെ പ്രവര്‍ത്തകര്‍ മാലയിട്ട് സ്വീകരിക്കുന്നതിനിടെയാണ് വേദിക്ക് സമീപത്ത് നിന്ന് ഇരുപാര്‍ട്ടിയുടെയും പ്രവര്‍ത്തകര്‍ ഏറ്റുമുട്ടിയത്. യാതൊരു കാരണവുമില്ലാതെ ബിജെപി പ്രവര്‍ത്തകര്‍ സംഘര്‍ഷം സൃഷ്ടിക്കുകയായിരുന്നെന്ന് കോണ്‍ഗ്രസ് പ്രവര്‍ത്തകര്‍ ആരോപിച്ചു.
പ്രയാഗ് രാജ് മുതല്‍ പ്രധാനമന്ത്രി നരേന്ദ്ര മോദിയുടെ മണ്ഡലമായ വാരാണസി വരെയുള്ള 140 കിലോമീറ്ററാണ് പ്രിയങ്ക ഗംഗയിലൂടെ സഞ്ചരിച്ചത്. ഇതിനിടെ നദീതീരത്തുള്ള ജനങ്ങളുമായി പ്രിയങ്ക സംവദിക്കുകയും ചെയ്തിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
