വാരണാസി: പ്രധാനമന്ത്രി നരേന്ദ്ര മോദിയുടെ ലോക്സഭ മണ്ഡലമായ വാരണാസിയില് നടന്ന ലെജിസ്ലേറ്റീവ് കൗണ്സില് (എംഎല്സി) തെരഞ്ഞെടുപ്പില് ബിജെപിക്ക് കനത്ത തിരിച്ചടി. രണ്ട് സീറ്റുകളും സമാജ്വാദി പാര്ട്ടി പിടിച്ചെടുത്തു. അധ്യാപകര്ക്കും ബിരുദധാരികള്ക്കും വേണ്ടി സംവരണം ചെയ്തിരുന്ന സീറ്റുകളിലേക്ക് നടന്ന തെരഞ്ഞെടുപ്പിലാണ് ബിജെപി തോല്വി ഏറ്റുവാങ്ങിയത്.
ആഗ്രയിലും മീററ്റിലും ബിജെപി വിജയിച്ചു. എസ്പിയുടെ അശുതോഷ് സിന്ഹയാണ് ബിരുദധാരികളുടെ വാരണാസി സീറ്റില് വിജയിച്ചത്. അധ്യാപകരുടെ സീറ്റില് ലാല് ബിഹാരി യാദവും വിജയിച്ചു. ഉത്തര്പ്രദേശിലെ 11 ലെജിസ്ലേറ്റീവ് കൗണ്സില് സീറ്റുകളിലേക്കാണ് തെരഞ്ഞെടുപ്പ് നടന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
