യുവാവ് 83,000 രൂപയുടെ സ്കൂട്ടർ വാങ്ങി; ഡീലർക്ക് കിട്ടിയത് വല്ലാത്ത പണി; പണം തിട്ടപ്പെടുത്താൻ എടുത്തത് മൂന്ന് മണിക്കൂർ; മുഴുവന്‍ നാണയങ്ങള്‍ 

സത്​ന: ഇത്തവണത്തെ തന്റെ  ദീപാവലി പർച്ചേഴ്​സ്​ എന്നെന്നും ഓർമിക്കപ്പെടുന്നതായിരിക്കണമെന്ന മധ്യപ്രദേശുകാരൻ രാകേഷ്​ കുമാർ ഗുപ്​തയുടെ ആഗ്രഹം എന്തായാലും നടപ്പായി. എന്നാൽ, രാകേഷിനേക്കാളുപരി, അദ്ദേഹത്തിന്​​ പുത്തൻ സ്​കൂട്ടർ വിറ്റ ഡീലറായിരിക്കും ജീവിതത്തിലൊരിക്കലും ഈ റൊക്കം വിൽപന മറക്കാതിരിക്കുക.

സത്​ന ജില്ലയിലെ പന്ന നാക്കയിലുള്ള ഡീലറിൽനിന്ന്​ 83,000 രൂപ വിലയുള്ള ഹോണ്ട സ്​കൂട്ടർ വാങ്ങി രാകേഷ്​ അപ്പോൾതന്നെ മുഴുവൻ പണവും നൽകി. ഇതാക​ട്ടെ, മുഴുവൻ നാണയങ്ങളും. അമ്പരന്നുപോയ ഷോറൂമുകാർ നാണയമെല്ലാം എണ്ണിത്തിട്ടപ്പെടുത്താൻ എടുത്തത്​ മൂന്നുമണിക്കൂർ. അഞ്ചിന്റെയും പത്തി​ന്റെയും നാണയങ്ങളായിരുന്നു ഭൂരിഭാഗവുമെന്ന്​ ഷോറൂമുകാർ പറഞ്ഞു.ഹോണ്ടയുടെ പുതിയ മോഡലായ ഹോണ്ട ആക്ടീവ 125 ആണ് യുവാവ് വാങ്ങിയത്.