ന്യൂഡല്ഹി: രാജീവ് ഗാന്ധി വധക്കേസ് പ്രതി നളിനി ജയിലില് ആത്മഹത്യക്ക് ശ്രമിച്ചതായി റിപ്പോര്ട്ട്. വെല്ലൂര് വനിതാ ജയിലില് തിങ്കളാഴ്ച രാത്രിയായിരുന്നു ആത്മഹത്യാശ്രമം.
നളിനിയും ജീവപര്യന്തം ശിക്ഷ അനുഭവിക്കുന്ന മറ്റൊരു തടവുകാരിയും തമ്മില് വഴക്കുണ്ടായി. വിഷയം ഈ തടവുകാരി ജയിലറെ അറിയിച്ചു. ഇതിനു പിന്നാലെ നളിനി ആത്മഹത്യക്ക് ശ്രമിക്കുകയായിരുന്നുവെന്ന് നളിനിയുടെ അഭിഭാഷകന് പുകഴേന്തി പറഞ്ഞു.
രാജീവ് ഗാന്ധി വധക്കേസില് 29 വര്ഷമായി തടവ് അനുഭവിക്കുകയാണ് നളിനി. ഇനിടെ ഇതാദ്യമായാണ് ഇത്തരത്തില് ഒരു പ്രവൃത്തിക്ക് മുതിര്ന്നത്. ഇതിനു മുമ്പ് ഇങ്ങനെ ഉണ്ടായിട്ടില്ല. എന്താണ് യഥാര്ഥ കാരണമെന്ന് അറിയേണ്ടതുണ്ടെന്നും അഭിഭാഷകന് കൂട്ടിച്ചേര്ത്തു.
രാജീവ് വധക്കേസില് നിലവില് ശിക്ഷ അനുഭവിക്കുന്നയാളും നളിനിയുടെ ഭര്ത്താവുമായ മുരുകന് ജയിലില്നിന്ന് വിളിച്ചിരുന്നെന്നും നളിനിയെ പുഴല് ജയിലിലേക്ക് മാറ്റണമെന്ന് അഭ്യര്ഥിച്ചിരുന്നെന്നും പുകഴേന്തി പറഞ്ഞു. ഇതുമായി ബന്ധപ്പെട്ട നിയമ നടപടികള് ഉടന് കൈക്കൊള്ളുമെന്നും അദ്ദേഹം പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
