ന്യൂഡല്‍ഹി: പൗരത്വനിയമഭേദഗതിയില്‍ പ്രതിഷേധിച്ച് പത്മശ്രീ തിരിച്ചുനല്‍കി പ്രതിഷേധം. പ്രമുഖ ഉറുദു എഴുത്തുകാരന്‍ മുജ്തബ ഹുസൈനാണ് പത്മശ്രീ പുരസ്‌കാരം തിരികെ നല്‍കിയത്. രാജ്യത്തെ അരക്ഷിതാവസ്ഥയും ഭയാന്തരീക്ഷവും അസ്വസ്ഥതയുണ്ടാക്കുന്നുന്നും ഈ സാഹചര്യത്തില്‍ രാജ്യത്തെ ഏതെങ്കിലും ഒരു പുരസ്‌കാരം തന്റെ കൈയില്‍വെക്കാന്‍ ആഗ്രഹിക്കുന്നില്ലെന്നും അദ്ദേഹം പറഞ്ഞു.
രാജ്യത്തെ അരക്ഷിതാവസ്ഥ, ഉണ്ടായിക്കൊണ്ടിരിക്കുന്ന ഭയാന്തരീക്ഷം, വര്‍ധിച്ചുവരുന്ന വിദ്വേഷം എന്നിവ യഥാര്‍ഥത്തില്‍ അസ്വസ്ഥപ്പെടുത്തുന്നു. തനിക്ക് 87 വയസായി. ഈ രാജ്യത്തിന്റെ ഭാവിയെക്കുറിച്ചോര്‍ത്താണ് എനിക്കു കൂടുതല്‍ ഉത്കണ്ഠയെന്നും ഹുസൈന്‍ പറഞ്ഞു.
2007ലാണ് രാജ്യം അദ്ദേഹത്തിന് പത്മശ്രീ നല്‍കി ആദരിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
