രാജ്യത്ത് കോവിഡ് മരണം ലക്ഷം കവിഞ്ഞു, ആക്ടിവ് കേസുകള്‍ കുറയുന്നതായി ആരോഗ്യമന്ത്രാലയം

ന്യൂഡല്‍ഹി: രാജ്യത്ത് കോവിഡ് ബാധിച്ചു മരിച്ചവരുടെ എണ്ണം ലക്ഷം കവിഞ്ഞു. ഇന്നലെ 1069 പേര്‍ കൂടി മരിച്ചതോടെ ഇന്ത്യയില്‍ ഇതുവരെ കോവിഡ് മരണം 1,00,842 ആയി. കഴിഞ്ഞ ഇരുപത്തിനാലു മണിക്കൂറില്‍ 79,476  പേര്‍ക്കാണ് കോവിഡ് സ്ഥിരീകരിച്ചത്.

രാജ്യത്ത് ഇതുവരെ കോവിഡ് സ്ഥിരീകരിച്ചവരുടെ എണ്ണം 64,73,545 ആയി. ഇതില്‍ 9,44,996 ആണ് ആക്ടിവ് കേസുകള്‍. 54,27,707 പേര്‍ വൈറസ് മുക്തരായി. 

കഴിഞ്ഞ ഒരാഴ്ചയില്‍ 25 സംസ്ഥാനങ്ങളില്‍ ആക്ടിവ് കേസുകളുടെ എണ്ണം കുറഞ്ഞതായി കേന്ദ്ര ആരോഗ്യമന്ത്രാലയം അറിയിച്ചു.