ന്യൂഡല്ഹി: ഗുജറാത്തില് രാഹുല്ഗാന്ധിക്ക് നേരെയുണ്ടായ ആക്രമണത്തില് ബിജെപിയുടെ യുവനേതാവ് അറസ്റ്റില്. പ്രാദേശിക നേതാവായ ജയേഷ് ദര്ജിയാണ് അറസ്റ്റിലായത്. സംഭവത്തിന് പിന്നില് ബിജെപി ആര്എസ്എസ് പ്രവര്ത്തകാരണെന്ന് രാഹുലും കോണ്ഗ്രസും വ്യക്തമാക്കിയിരുന്നു.
ഗുജറാത്തിലെ ബനസ്കന്ദയില് പ്രളയബാധിത പ്രദേശങ്ങള് സന്ദര്ശിക്കുന്നതിനിടെയാണ് ബിജെപി പ്രവര്ത്തകര് രാഹുലിനെ ആക്രമിച്ചത്. രാഹുലിന്റെ കാറിന് നേരെ കല്ലെറിയുകയും കരിങ്കൊടി കാണിക്കുകയും ചെയ്തിരുന്നു. കല്ലേറില് രാഹുല് സഞ്ചരിച്ചിരുന്ന വാഹനത്തിന്റെ ഗ്ലാസുകള് പൂര്ണമായും തകര്ന്നിരുന്നു. അതേസമയം രാഹുല്ഗാന്ധിയെ ഗൗരവത്തിലെടുക്കാത്ത സ്ഥിതിക്ക് ഞങ്ങള് എന്തിന് ഇത്തരമൊരു ആക്രമണം നടത്തണമെന്നും കല്ലേറിന്റെ പശ്ചാത്തലത്തില് സഹതാപം പിടിച്ചുപറ്റാനാണ് കോണ്ഗ്രസ് ശ്രമിക്കുന്നതെന്നുമായിരുന്നു ബിജെപിയുടെ അഭിപ്രായം. രാജ്യത്തെ ഏറ്റവും ഉയര്ന്ന സെഡ് പ്ലസ് സുരക്ഷയുള്ള രാഹുലിന് നേരെയാണ് ആക്രമണം നടന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
