ന്യൂഡല്ഹി: മെയ് മൂന്നിനു ശേഷവും ലോക്ക് ഡൗണ് തുടരണം എന്ന അഭിപ്രായമാണ് പ്രധാനമന്ത്രി നരേന്ദ്ര മോദിയുമായുള്ള ചര്ച്ചയില് ഭുരിഭാഗം മുഖ്യമന്ത്രിമാരും മുന്നോട്ടുവച്ചതെന്ന് പുതുച്ചേരി മുഖ്യമന്ത്രി വി നാരായണ സ്വാമി. അതീവ ശ്രദ്ധയോടെ മാത്രമേ ലോക്ക് ഡൗണ് പിന്വലിക്കാവൂ എന്ന കാര്യത്തില് എല്ലാ മുഖ്യമന്ത്രിമാരും ഏകാഭിപ്രായമാണ് പ്രകടിപ്പിച്ചതെന്ന് നാരായണസ്വാമി പറഞ്ഞു.
കുടിയേറ്റ തൊഴിലാളികളുടെ കാര്യം പല മുഖ്യമന്ത്രിമാരും ഉന്നയിച്ചു. താനും ബിഹാര് മുഖ്യമന്ത്രി നിതീഷ് കുമാറും ഇക്കാര്യം പ്രധാനമന്ത്രിയുടെ ശ്രദ്ധയില് പെടുത്തി. എന്നാല് അത് എങ്ങനെ പരിഹരിക്കും എന്ന കാര്യത്തില് പ്രധാനമന്ത്രിക്കും വ്യക്തതയില്ലെന്ന് നാരായണസ്വാമി വാര്ത്താ സമ്മേളനത്തില് പറഞ്ഞു.
ലോക്ക് ഡൗണിന്റെ പശ്ചാത്തലത്തില് സംസ്ഥാനങ്ങള്ക്ക് സാമ്പത്തിക സഹായം നല്കണമെന്ന് ആവശ്യപ്പെട്ടിട്ടുണ്ട്. 2008ല് യുപിഎ സര്ക്കാര് നടപ്പാക്കിയതു പോലുള്ള പാക്കേജ് വേണമമെന്നാണ് താന് ആ്വശ്യപ്പെട്ടതെന്ന് മുഖ്യമന്ത്രി പറഞ്ഞു.
കോവിഡ് വ്യാപനം തടയുന്നതില് രാജസ്ഥാന്, ഒഡിഷ, ബിഹാര് മുഖ്യമന്ത്രിമാര് നടത്തുന്ന ഇടപെടലുകളെ പ്രധാനമന്ത്രി പ്രശംസിച്ചതായി നാരായണസ്വാമി പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
